Gürcüstanda ən məşhur qorunan ərazilər arasında Prometey Mağarası,
Martvili Kanyonu, Sataplia Mağarası və Tsalka Kanyonu ilk dördlük
sırasındadır.
Bu barədə “İnterpress News”a Milli Turizm Administrasiyasının
rəhbəri vəzifəsini icra edən Medea Caniaşvili məlumat verib.
Onun izahına görə, təkcə bu ilin iyun ayında istifadəyə verilmiş
Tsalka Kanyonunu 77 528 ziyarətçi ziyarət edib ki, onların da 65
faizi Gürcüstan
vətəndaşları, 35 faizi isə xarici
ölkələrdəndir.
“Tsalka Kanyonu haqqında bir sıra beynəlxalq və xarici
KİV-lərdə, o cümlədən CNN, BBC, euronews, yahoo news, Washington
post və s. həmçinin ən yüksək reytinqli İsrail və Türkiyə mediası
tərəfindən işıqlandırılıb. Tsalka Kanyonu yerli və beynəlxalq
sosial media təsir edənlər arasında maraq və populyarlıq
qazanmışdır.
Ziyarətçilərin sayına görə, Tsalka Kanyonu ən çox
ziyarət edilən qorunan ərazilər arasında 4-cü yerdədir. Tsalka
Kanyonunu 2022-ci ilin 8 ayı ərzində 77 528 ziyarətçi ziyarət edib
ki, bunun da 65 faizi Gürcüstan vətəndaşları (50 242 ziyarətçi) və
35 faizi digər ölkələrin vətəndaşlarıdır (27 286
ziyarətçi).
Ən məşhur qorunan ərazilər arasında 129.048 ziyarətçi ilə Prometey
Mağarası birinci yerdədir. Sonrakı yerləri Martvili Kanyonu (121
602 ziyarətçi) və Sataplia (78 100 ziyarətçi) tutur”,
- Medea Caniaşvili qeyd edib.