2022-ci ilin yanvar-avqust aylarında Gürcüstandan ümumi dəyəri 376,1 milyon ABŞ dolları olan 37 min 660 ədəd, ötən ilin 8 ayında isə 228,6 milyon ABŞ dolları dəyərində 30 min 450 ədəd yüngül avtomobil təkrar ixrac edilib.

Bu rəqəm 2014-cü ildən bəri yəni, Milli Statistika Xidmətinin xarici ticarət portalında konkret məlumatlar mövcud olduqdan sonra ən böyük göstəricidir.

“Business Press News” 2022-ci ildə Gürcüstandan ən çox avtomobilin çıxdığı ilk 10 ölkəni təqdim edir:

• Azərbaycan - 141,6 milyon ABŞ dolları (14 994 ədəd)
• Ukrayna - 71,7 milyon ABŞ dolları (7 473 ədəd)
• Ermənistan - 41,7 milyon ABŞ dolları (4 414 ədəd)
• Qazaxıstan - 31,7 milyon ABŞ dolları (3 489 ədəd)
• Rusiya - 26,8 milyon ABŞ dolları (2005 ədəd)
• Qırğızıstan - 20,6 milyon ABŞ dolları (3 307 ədəd)
• Belçika - 18,4 milyon ABŞ dolları (382 ədəd)
• Birləşmiş Ərəb Əmirlikləri - 5,773 min ABŞ dolları (76 ədəd)
• Tacikistan - 5,075 min ABŞ dolları (867 ədəd)
• Belarus - 2,864 min ABŞ dolları (88 ədəd)

Qeyd edək ki, ötən illə müqayisədə Ukraynaya təkrar ixrac artıb. 2021-ci ilin 8 ayında Ukraynaya 46 012 milyon lari dəyərində 6 703 avtomobil reeksport edilib.