2021-ci il yanvarın 1-dən 2022-ci il sentyabrın 30-dək Gürcüstan
sərhədçiləri ümumilikdə 3684 Gürcüstan vətəndaşının
Şengen zonasına getməsinə imtina cavabı verib.
Bu barədə məlumatı “İnterpress News” Daxili İşlər Nazirliyindən
istəyib.
Bundan əlavə, 2021-ci il ərzində Şengen zonasına getməkdən imtina
ilə bağlı 1922, son 9 ayda isə 1810-a qədər imtina halı qeydə
alınıb.
2021-ci il yanvarın 1-dən 2022-ci il sentyabrın 30-dək olan
müddətdə ən çox - 325 Gürcüstan vətəndaşının 2021-ci ilin
dekabrında Şengen zonasına daxil olmasına icazə verilməyib.
Burada qeyd etmək lazımdır ki, Şengen zonasına səyahətdən imtina
statistikası 2021-ci ilin iyun ayından etibarən kəskin şəkildə
artır. Əgər 2021-ci ilin aprel və may aylarında 17 və 60 imtina
halı qeydə alınıbsa, iyunda bu rəqəm 190 olub.
Daxili İşlər Nazirliyi Şengen zonasına getmək üçün mövcud
qaydalardan hansına görə ən çox imtina edildiyini açıqlamır.