İşğal altında olan Abxaziyaya dünən, noyabrın 22-də axşam saatlarında Rusiyadan elektrik enerjisinin verilməsinə başlanılıb. Məlumatı “Çernomorenerqo” şirkəti yayıb.

Gürcüstanın Dövlət Enerji Sisteminin saytında dərc olunan məlumata görə, hazırda Rusiyadan işğal altında olan Abxaziyaya 250 meqavata yaxın elektrik enerjisi verilir.

İşğal olunmuş Abxaziyanın iqtisadiyyat naziri Kristina Özqan bundan əvvəl Rusiyanın energetika naziri ilə danışıqların nəticələrini faktiki prezident Aslan Bjaniaya məruzə edib. Onun sözlərinə görə, çatdırılma qrafiki razılaşdırıldıqdan sonra mütəxəssislər işləri yerinə yetirmək üçün “Açquara” (Açıqvara) xəttinə gedəcəklər.

Rusiyanın elektrik enerjisi ilə təminatı məsələsi “Açıqvara” elektrik verilişi xəttinin təmir işlərinin başa çatdırılması ilə bağlıdır. Bundan əlavə, Enqur SES su anbarında suyun səviyyəsi kritik dərəcədə aşağıdır.

Noyabrın 1-də Oçamçire rayonundakı “Açquara” (Açıqvara) yüksək gərginlikli elektrik verilişi xəttində baş vermiş qəzaya görə işğal olunmuş Abxaziya Rusiyadan elektrik enerjisi tələb edib.

Enqur SES-də istehsal olunan elektrik enerjisi işğal altında olan Abxaziyaya Açıqvara xətti ilə verilir.

Oktyabrın 11-də qondarma de-fakto respublika İqtisadiyyat Nazirliyinin mətbuat xidməti “Çernomoroenerqo” (20 nəfərə yaxın) və Rusiya podratçı şirkətinin (təxminən 23 nəfər) nümayəndələri tərəfindən elektrik verilişi xətlərində aparılan təmir işləri barədə məlumat yayıb. “Abxaziya enerjisinin ən həssas obyekti” adlandırılan elektrik verilişi xəttində təmir işləri əvvəllər də bir neçə dəfə təxirə salınıb.