Xalq müdafiəçisi Nino Lomcariya eks-prezident Mixeil Saakaşvilinin
səhhətindən xəbər tutmaq üçün “Vivamed”i klinikasına gedib.
Lomcariyanın sözlərinə görə, əgər arzusu və fiziki imkanı olsa, o,
tibb işçiləri, Mixeil Saakaşvilinin şəxsi həkimi və Saakaşvilinin
özü ilə danışmağa çalışacaq.
“Mən uzun müddətdir ki, [Mixeil Saakaşvilini] şəxsən görmürəm.
Nümayəndələrim mütəmadi olaraq ona baş çəksələr də, sonuncu dəfə
onu Qori xəstəxanasında görmüşəm. Ekspertin rəyini gözlədiyimiz
üçün konsiliumumuz bütün bunlara qarışmadı. Son vaxtlar onun
səhhətinin pisləşməsi ilə bağlı çox narahatedici qiymətləndirmələr
getdiyinə görə, gəlib onun vəziyyəti ilə şəxsən tanış olmaq
qərarına gəldim”, – Nino Lomcaria “Formula”nın
efirində deyib.
Mixeil Saakaşvilinin ailəsi və vəkilləri eks-prezidentin səhhətinin
pisləşdiyini bildirir. Gürcüstan prezidenti Salome Zurabişvilinin
sözlərinə görə, əgər Mixeil Saakaşvilinin səhhətinin vəziyyəti ilə
bağlı ekspert rəyində onun ağır olduğu [və köçürülməsinə ehtiyac
olduğu] deyilirsə, məhkəmə layiqli qərar verməlidir. Bir qrup
qeyri-hökumət təşkilatı birgə bəyanat yayaraq bildirib ki, Mixeil
Saakaşvili ilə həbsxanada rəftar məsələsi “siyasi məqsədəuyğunluqla
deyil, yalnız insan həyatı və sağlamlığının qorunması standartları
nəzərə alınmaqla” həll edilməlidir.