Dövlət Departamentinin sözçüsü Metyu Miller, Rusiya qanun
layihəsinin qanuna çevriləcəyi təqdirdə ABŞ-ın atacağı potensial
addımları hələ şərh etməyəcəyini söyləyib.
Bununla belə, o, narahatlığını bildirib və qeyd edib ki, bu,
Gürcüstanı Avropa yolundan çıxaracaq.
Bugünkü brifinqdə Metyu Miller Rusiya qanunları ilə bağlı suala
cavab olaraq deyib:
“Bizim siyasətimiz bəyanatımızda bəhs etdiyimiz şeydir
ki, bu qanun qüvvəyə minərsə, Gürcüstan vətəndaşlarının həyatını
yaxşılaşdırmaq üçün çalışan vətəndaş cəmiyyəti təşkilatlarına zərər
verəcəyindən dərin narahatıq. Gürcüstanı Avropa yolundan
döndərəcək. Biz narahatıq ki, bu qanun Gürcüstan xalqına
keyfiyyətli məlumat vermək üçün çalışan media qurumlarına mane
olacaq.
Bu hələ qanun layihəsidir və qüvvəyə minməyib. Buna görə də,
hələlik, mümkün nəticələr və potensial addımlar haqqında danışmaq
istəmirəm. Hazırda açıq-aydın deyirik ki, bu qanun layihəsindən
narahatıq, irəli getsə, nə edək, bu gün açıqlaya biləcəyim bir şey
yoxdur”.
ABŞ Dövlət Departamenti daha əvvəl də Rusiya qanunları ilə bağlı
açıqlama vermişdi. Metyu Miller bildirib ki, ABŞ-ın narahatlığı
artıq Gürcüstan hakimiyyətinə çatdırılıb.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.