Gürcüstan İqtisadiyyat Nazirliyinin məlumatına görə, bu ilin aktiv yay naviqasiya mövsümü üçün 13,6 min uçuş planlaşdırılır ki, bunun da 18%-i Avropa ölkələri, 13%-i isə Rusiya ilə olacaq.

Agentlik qeyd edir ki, iyun-oktyabr aylarında Gürcüstandan Avropaya ən çox 2480 reys həyata keçiriləcək ki, bu da Gürcüstandan və Gürcüstana planlaşdırılan uçuşların ümumi sayının 18%-ni təşkil edir.

"Körfəz

Əməkdaşlıq Şurası ölkələri (Səudiyyə Ərəbistanı, Bəhreyn, Birləşmiş Ərəb Əmirlikləri, Küveyt, Oman və Qətər) ilə də uçuşların tezliyi artır. 2024-cü ilin iyun-oktyabr aylarında Gürcüstan və Körfəz ölkələri arasında 2255 reys planlaşdırılır ki, bu da ümumi uçuşların 17%-ni təşkil edir”, - nazirlikdən bildiriblər.

Yay naviqasiya mövsümünün eyni hesabat dövründə Gürcüstan və Rusiya Federasiyası arasında 1761 reys planlaşdırılır ki, bu da ümumi uçuşların 13%-ni təşkil edir.

“Uçuşlar üç aviaşirkət tərəfindən həyata keçirilir. Gürcüstan və Rusiya Federasiyası arasında uçuşlar yalnız Aİ-nin qara siyahısında olmayan aviaşirkətlər tərəfindən həyata keçirilir. Uçuşlar, həmçinin texniki dəstəyi təyyarə istehsalçıları tərəfindən dayandırılan təyyarələr tərəfindən həyata keçirilmir ki, bu da texniki və uçuş sənədlərinə çıxışın məhdudlaşdırılması, eləcə də ehtiyat hissələri ilə təmin olunması deməkdir”, - məlumatda deyilir.

Planlaşdırılmış uçuş statistikası aşağıdakı kimi paylanır:

• Gürcüstandan Avropaya və əksinə - 18%;
• Körfəz ölkələri – 17%;
• Rusiya ilə – 13%;
• Ümumilikdə digər ölkələrlə – 52%.

“Qeyd edək ki, bu il Niderland Krallığının aşağı büdcəli “Tranavia” aviaşirkəti aviasiya bazarına daxil olub və Amsterdamdan Tbilisiyə müntəzəm uçuşlar həyata keçirməyə başlayıb. Həmçinin, uzunmüddətli fasilədən sonra Avstriyanın Austrian Airlines aviaşirkəti Vyana-Tbilisi-Vyana hava marşrutu üzrə Gürcüstanda fəaliyyətini bərpa edib. Türkiyənin aşağı büdcəli aviaşirkəti AJET müntəzəm uçuşlara başlayıb. Yay mövsümündə 11 aviaşirkət Gürcüstan və Avropa İttifaqı arasında 38 istiqamətdə uçuşlar həyata keçirəcək", - nazirlik qeyd edib.

Rəsmi məlumatlara görə, 2024-cü ilin yanvar-aprel aylarında Gürcüstan hava limanları müntəzəm və qeyri-müntəzəm reyslərlə 1 milyon 946 min 881 sərnişinə xidmət göstərib.

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.