"
Sabah Marneulidə aktivistləri aksiyaya yığan Vahid
Milli Hərəkat partiyası bir neçə qrupa bölünüb.
Heç biri bir-biri ilə danışmır" - bu
fikirləri Parlamentin Marneuli və Qardabanidən majoritar deputatı
Zaur Darğallı "VMH" partiyasının üzvlərinin 14 oktyabr üçün
keçirəcəkləri aksiya ilə bağlı öz "Facebook" səhifəsində yazıb.
Majoritar deputat partiya üzvlərinin bir-biri ilə danışmadıqlarını
vurğulayıb. Onun yazdığına görə, partiya üzvləri aksiyaya kim daha
çox insan toplayacaq deyə rəqabət aparır.
Zaur Darğallının paylaşımını olduğu kimi təqdim edirik:
"Demək Marneulidə sabaha mitinqə aktivistləri yığan VMH
partiyası bir neçə qrupa bölünüb, heç biri də bir biri ilə
danışmır.
Rəqabət aparırlar, kim daha çox adam apara biləcək, özü də hərəsi
bir lokasiyada yığılıb rəhbərliyinə göstərmək istəyirlər ki mən
daha güclüyəm.
Bunları nə xalq, nə də liderləri maraqlandırmır, bunların məqsədi
bəllidir."
İki gündür Marneulidə aşağı yuxarı sürdükləri maşınları da gərək
rəqabətlə edərdilər, yığdıqları 7 maşın, hər maşının içində bir
nəfərdən artıq alınardı."
Qeyd edək ki, "Vahid Milli Hərəkat" partiyasının üzvləri 14 oktyabr
tarixində, saat 18:00-da Azadlıq Meydanında aksiya keçirəcəklər.
Onlar Gürcüstanın sabiq prezidenti Mixeil Saakaşvilinin azad
olunmasını tələb edirlər. Həmçinin partiyanın üzvləri bu gün
Marneuli küçələrində avtomobillərinə Saakaşviliyə məxsus
banerlərlər asaraq hərəkət edir və ona azadlıq tələb ediblər.