İranda hicabla bağlı qanunu pozduğuna görə həbs edilən 22 yaşlı
Məhsa Əminin ölümündən sonra keçirilən etiraz aksiyalarında 3 nəfər
həlak olub. Məlumatı “France 24” yayıb. Nəşr yazır ki, bölgənin
qubernatoru mitinq zamanı üç mülki şəxsin öldüyünü təsdiqləyib.
“BBC”nin məlumatına görə, aksiya zamanı polis odlu silahdan
istifadə edib. Tehranda da etiraz aksiyası keçirilib.
BMT rəsmisi Tehranı dinc nümayişçilərə öz etirazlarını bildirməyə
imkan verməyə və insidentlə bağlı obyektiv araşdırmaya başlamağa
çağırır.
Məhsa Əmin sentyabrın 13-də Tehranda hicab taxmaq qaydalarını
pozduğuna görə əxlaq polisi tərəfindən həbs edilib. Həbs olunduqdan
bir neçə saat sonra ailəsinə Əminin xəstəxanaya aparıldığı və 3 gün
sonra orada vəfat etdiyi barədə məlumat verilib. Tehran polisinin
məlumatına görə, Məhsa Əmin saxlanılan digər qadınlarla birlikdə
palataya girmək istəyərkən infarkt keçirib. Ölkənin Daxili İşlər
Nazirliyi Aminin səhhətində problemlərin olduğunu açıqlayıb,
mərhumun atası bunu təkzib edib. O, qızının ayaqlarında
göyərmələrin olduğunu iddia edir.
İranda 22 yaşlı qadının ölümündən sonra etirazlar başlayıb. Polis
nümayişçilərə qarşı gözyaşardıcı qazdan istifadə edib. Etirazlarda
500 nəfər həbs edilib.