Axalkalakiyə yaxın ibadətgahı dağıdıblar
Axalkalakiyə
yaxın, Bavra kəndində ibadətgahı dağıdıblar.
Məlumatı Netgazeti-yə DİN-dən
təsdiqləyiblər.
Nazirliyin məlumatına görə, hadisə dünən baş verib, istintaq isə
Gürcüstan CM-nin 259-cu maddəsinin birinci hissəsi ilə gedir. Maddə
mədəni miras və ya abidəyə zərər vurmaq-məhv etməyi nəzərdə tutur.
Cinayət cərimə və ya iki il müddətinə azadlıqdan məhrum edilmə ilə
cəzalandırılır.
Yerli portal JNEWS yazır ki, ibadətgahda bütün ikonalara zərər
yetirilib, onlardan bəzisi isə döşəməyə atılıb. DİN hələ ki, hadisə
ilə bağlı heç kimi saxlamayıb.