Մառնեուլիի քաղաքապետարանի տեղական ինքնակառավարումը նախատեսում
է տոնածառ գնել պարզեցված եղանակով։
Դեկտեմբերի 7-ին բացասական արդյունքով է ավարտվել էլեկտրոնային
մրցույթը, ըստ որի Մառնեուլիի քաղաքապետարանը նախատեսում էր ամանորյա
տոնածառ գնել։ Քաղաքապետարանի բացատրական քարտի համաձայն, քանի որ
տոնածառի գնման նոր մրցույթ հայտարարելը երկար ժամանակ է
պահանջում, ինքնակառավարումը մտադիր է այն ձեռք բերել պարզեցված
եղանակով։
Մառնեուլիի քաղաքապետարանի տեղական ինքնակառավարումը տոնածառ գնելու
համար հատկացրել է 70800 լարի։
« Ռադիո Մառնեուլի»-ին Մառնեուլիի քաղաքապետարանում հայտնել են,
որ դեկտեմբերի 20-ին Մառնեուլիում տեղի կունենա տոնածառի լույսերի
վառման արարողությունը։ Տոնածառի լույսերի վառման արարողության
ժամանակ տեղի կունենա նաև համերգ։
Մառնեուլիի քաղաքապետարանը նախատեսում է դեկտեմբերի 30-ին անցկացնել
ամանորյա մեծ միջոցառում, որի համար տեղական ինքնակառավարումը
հատկացրել է 136 421 լարի։ Ինքնակառավարումը պատրաստվում է նաև
պարզեցված ձևով ձեռք բերել նշված համերգի ծառայությունները։ Պարզեցված
եղանակով քաղաքապետարանը ձեռք է բերել ամանորյա փողոցների
լուսավորությամբ զարդարելու աշխատանքները, որի համար կծախսվի 197100
լարի։
"Ռադիո Մառնեուլի"
Թարգմ․ ՝ Մարգարիտա Միսկարյան