Մառնեուլիի քաղաքապետարանը 2023 թվականին գործուղումների և ռեստորանային ծառայությունների վրա ծախսել է 304 348 լարի
Այսօր՝ ապրիլի 25-ին, տեղի է ունեցել Մառնեուլիի սակրեբուլոյի ֆինանսաբյուջետային հանձնաժողովի ընդլայնված նիստ, որտեղ քննարկվել է Մառնեուլիի քաղաքապետարանի 2023 թվականի բյուջեի կատարման հաշվետվությունը։

Սակրեբուլոյի  հանձնաժողովի նիստում խոսվեց բյուջեի կատարման մասին, թե ինչ միջոցներ են ծախսվել սոցիալական ծրագրերի, ենթակառուցվածքների զարգացման՝ ճանապարհների վերականգնում, խմելու ջրի մատակարարում, արտաքին լուսավորություն և այլն։

Սակրեբուլոյի ֆինանսաբյուջետային ծառայության ղեկավար Կոբա Չխիտունիձեն հաշվետվությունը ներկայացրել է սակրեբուլոյի ֆինանսաբյուջետային ծառայությանը և հայտնել, որ 2023 թվականի բյուջեի կատարման հաշվետվությունն ամբողջությամբ հրապարակվել է  քաղաքապետարանի  պաշտոնական կայքում։ 

Քաղաքապետարանի կայքում հրապարակված հաշվետվության համաձայն՝ Մառնեուլիի քաղաքապետարանը 2023 թվականին աշխատակիցների գործուղումների վրա ծախսել է 167689 լարի և 17 թեթրի։

Մառնեուլիի քաղաքապետարանն անցյալ տարի ներկայացուցչական ծախսերի վրա ծախսել է 136658 լարի և 91 թեթրի։ Տեղեկատվության ազատության զարգացման ինստիտուտի (IDFI) հրապարակած հայտարարության համաձայն՝ ներկայացուցչական ծախսերը ներառում են գործակալությունների կողմից կազմակերպվող ընդունելությունների, պաշտոնական ընթրիքների, մշակութային և ժամանցային միջոցառումների վրա ծախսված միջոցները։ Մասնավորապես, Վրաստանի օրենսդրության մուտքի համաձայն, ներկայացուցչական ծախսը անձի տնտեսական գործունեության շրջանակներում կատարված ծախսն է, որը ներառում է ծախսերը (հյութեր, հանքային ջրեր, զովացուցիչ ըմպելիքներ, թեյ, սուրճ, նախաճաշ, ճաշ, ընթրիք, երեկույթ) նախատեսված է անձի անունից անցկացվող միջոցառումների համար (շնորհանդեսներ, ընդունելություններ), էքսկուրսիաների և մշակութային-դիտարժան միջոցառումների, հուշանվերների գնման և նմանատիպ այլ ծախսեր.

Մառնեուլիի քաղաքային խորհրդի ֆինանսաբյուջետային հանձնաժողովը հաստատել է Մառնեուլիի 2023 թվականի բյուջեի կատարման հաշվետվությունը։




«Վրացական երազանքը» ևս մեկ անգամ պատրաստվում է ընդունել ռուսական օրենքը, որը հետ է վերադարձվել 2023 թվականի մարտին զանգվածային բողոքի ցույցերի արդյունքում։ «Վրացական երազանքն» անցյալ տարի խոստացել էր, որ չեն վերադառնա ռուսական օրենքին, սակայն դրժեցին խոստումը։ «Վրացական երազանք»-ը օրինագծի սկզբնական ձևակերպումից հանել է միայն «գործակալ» բառը և այն փոխարինել օտարերկրյա տերության շահերի կրողով։
Օրենքի համաձայն՝ օտարերկրյա տերության շահեր կրող բոլոր հասարակական և լրատվական կազմակերպությունները, որոնց եկամուտների 20%-ից ավելին արտերկրից է: Պետությունը չի քննի, թե ինչ են անում այդ կազմակերպությունները և ինչ նպատակներ են ծառայում, և բոլորին մեղադրելու են օտարերկրյա տերության շահերին ծառայելու մեջ։
Օրենքն ուղղված է Եվրոպայից և Ամերիկայից եկող ֆինանսավորմանը, այլ ոչ թե թշնամական երկրներից ֆինանսավորմանը, ինչպես դա քաղաքակիրթ երկրներում է։
Եվրամիության անդամը և Վրաստանի բարեկամ երկրների ղեկավարները մտահոգություն են հայտնել օրենքի նախաձեռնման կապակցությամբ, մինչդեռ ՌԴ նախագահի մամուլի քարտուղարը հավանություն է տվել «Վրացական երազանքի» օրենքին։

"Ռադիո Մառնեուլի"
Թարգմ․ ՝ Մարգարիտա Միսկարյան
Print ელ. ფოსტა
FaceBook Twitter Google