Gürcüstanın hakim "Gürcü Arzusu" partiyasının fəxri sədri Bidzina İvanişvili ABŞ dövlət katibinin köməkçisi Ceyms Obraynla görüşdən imtina edib.

Bu barədə Baş nazir İrakli Kobaxidze keçirdiyi mətbuat konfransında bildirib.

Kobaxidze qeyd edib ki, Bidzina İvanişviliyə görüşlə bağlı müraciət olub, lakin o bundan imtina edib.

Əlavə edib ki, son aylar İvanişvilinin digər diplomat və siyasətçilərlə görüşlərdən imtina etməsi halları da olub və imtinaların səbəbi də eyni olub:

“Bidzina İvanişvili faktiki sanksiyalar altındadır. Onun Qərbə əmanət etdiyi 2 milyard dollar dondurulub, lakin bunun “qlobal müharibə partiyası”nın əli ilə olduğu ortaya çıxıb. Görüş bu şantaj sanksiyalar bitəndən sonra keçirilə bilər”, - Kobaxidze deyib.

Qeyd edək Ceyms Obraynın mayın 17-dək Gürcüstana səfər etməsi gözlənilir.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.