მარნეულის მუნიციპალიტეტის სოფელ დიოკნისში შიდა გზების, ხოლო სოფელ მეწამულაში მისასვლელი გზების მოასფალტება იგეგმება. მარნეულის მერიამ სოფელებში გზების მოასფალტებისათვის ტენერი 11 იანვარს გამოაცხადა.

სატენდერო დოკუმენტაციის მიხედვით, სოფელ დიოკნისში შიდა გზების დაგება 4 მონაკვეთზე იგეგმება. პირველი მონაკვეთის სიგრძე 1 099 მეტრია, მეორე მონაკვეთის 516 მეტრი, მესამე მონაკვეთის 346, ხოლო მეოთხე მონაკვეთის 388 მეტრი. რაც შეეხება სოფელ მეწამულასთან მისასვლელ გზებს, სამუშაოები 3 მონაკვეთზე განხორციელდება. პირველი მონაკვეთის სიგრძე 387 მეტრია, მეორე მონაკვეთის 116, ხოლო მესამე მონაკვეთის 382 მეტრი.

მარნეულის მუნიციპალიტეტის ადგილობრივმა თვითმმართველობამ სოფელ დიოკნისსა და მეწამულაში გზების მოასფალტების სამუშაოების შესრულებისათვის 1 287 752 ლარის ღირებულების ტენდერი გამოაცხადა.

სატენდერო დოკუმენტაციის მიხედვით, პროექტის 95% სახელმწიფო, ხოლო 5% ადგილობრივი ბიუჯეტიდან ფინანსდება.

გზების დაგების სამუშაოების შესყიდვის ტენდერში მონაწილეობის მიღების მსურველ კომპანიებს სატენდერო წინადადებების წარდგენა 28 იანვრიდან 2 თებერვლამდე პერიოდში შეეძლებათ. ტენდერში გამარჯვებულმა კომპანიამ სამუშაოები ხელშეკრულების გაფორმებიდან 150 დღის განმავლობაში უნდა შეასრულოს.

რადიო „მარნეული“