მარნეულელი მომღერალი, შაბან მამედოვი, 29-30 ივლისს ონის მუნიციპალიტეტში ჩატარებულ საერთაშორისო ფესტივალზე "ივერია ბრილიანტი" გრანპრის მფლობელი გახდა. მან ფესტივალზე საქართველო წარადგინა.

მამედოვის გამოსვლამ ჟიურის მოწონება დაიმსახურა. მამედოვი რადიო მარნეულთან საუბრისას აცხადებს რომ მან აღნიშნულ ფესტივალზე გამარჯვებით პოლონეთში ჩასატარებელ ფესტივალზე მოწვევა მიიღო.

"მე ფესტივალის ძირითადი პრიზი, გრანპრი მივიღე და პოლონეთში ჩასატარებელ ფესტივალზე მოწვევა მივიღე. კონკურსის ხელმძღვანელ ბატონ ნუგზარ ჭიაბერაშვილს და მთელ ჟიურის ვუხდი მადლობას. ფესტივალზე ორი სიმღერით გამოვედი. პირველი პატრიოტული სიმღერა იყო მეორე კი - დუეტი. დუეტი ჩემთან ერთად საქართველოს ცნობილმა მომღერალმა თამრიკო მეჩაურმა იმღერა. ჩვენი დუეტი ნამდვილად ემოციური იყო და ყველას მოწეონა. ჩემი ქვეყნის სახელით გამოსვლა და ასევე საქართველოს წარდგენა საზღვარგარეთ ჩემთვის დიდი პატივია." - თქვა მამედოვმა.

აღსანიშნავია, რომ საქართველოს საპატრიარქოს მხარდაჭერით ჩატარებულ საერთაშორისო ფესტივალი შშმ პირებისთვის იყო გათვალისწინებული. შშმ პიირების საერთაშორისო მუსიკის, ცეკვის და ხდლოვნების ფესტივალი უკვე 6 წელია საქართველოს სხვადასხვა რეგიონებში და ქალაქებში ტარდება.

წელს ჩატარებული ივერია ბრილიანტის ფესტივალზე საქართველოსთან ერთად უკრაინა, ლიტვა, თურქეთი, გერმანია, უზბეკეთი, პოლონეთი და სომხეთიდან დაპატიჟებული სტუმრები იღებდნენ მონაწილეობას.

პროექტის ძირითადი მიზანი შშმ პორების მხარდაჭერაა.