Yeni qəbul olunanlar arasında baş vermiş güman edilən qarşıdurma faktı ilə bağlı hərbi polis cinayət işi qaldırıb
Gürcüstanın
Müdafiə Nazirliyinin Müdafiə Qüvvələrinin Təlim və Hərbi Təhsil
Komandanlığı Mərkəzi olan “Krdzanisidə” yeni qəbul olunanlar
arasında baş vermiş qarşıdurma faktı ilə bağlı Hərbi Polis
Departamentində 386-cı maddənin birinci hissəsi ilə nəzərdə
tutulmuş cinayət işarələrinə əsasən cinayət işi
qaldırılıb.
Maddə bir-birinə tabe olmayan hərbi
xidmətçilər arasında rəftar qaydalarının pozulmasını və bununla
yanaşı zərərçəkənin ləyaqət və şərəfinin təhqir edilməsi və onun
məcbur edilməsini nəzərdə tutur.
İPN-ə Gürcüstan Müdafiə Nazirliyindən bildiriblər ki, indiki
mərhələdə şahidlərin ön ifadəsinə əsasən döyülmə faktı
təsdiqlənməyib.
“Qeyd olunanı “Rustavi” klinikasında aparılan
tədqiqatlar da təsdiq edir. Həmçinin, baş-beyin tomoqrafiyasında da
hansısa zədə qeydə alınmayıb. Tibbi yoxlayış nəticəsində hərbi
xidmətçidə heç xarici zədələnmə və travma aşkar edilməyib. Rustavi
tibb müəssisəsindən əlavə E.Əfəndiyev Qoridə, Giorgi Abramişvili
adına hərbi hospitalda da tibbi araşdırmalardan keçib. Laborotoloji
tədqiqatlar, ürək rentgenoskopiyası aparılıb və heç bir sağlamlığa
zidd zərər aşkar edilməyib. Hərbi xidmətçinin sağlamlıq durumu
qənaətbəxşdir. Onun heç bir şikayəti yoxdur” -
deyilir Müdafiə Nazirliyinin bəyanatında.