Gürcüstan hökuməti
“Biznes üçün 100 investisiya
təklifi” proqramı çərçivəsində 38 kənd təsərrüfatı
torpağını satışa çıxarıb.
Həmin sahələrin 8-i Kvemo Kartli bölgəsinin payına düşür.
Marneuli, Bolnisi, Dmanisi və Tetritskaro
rayonlarında yerləşən kənd təsərrüfatına yararlı torpaqların ümumi
sahəsi
95,1165 hektar təşkil edir.
Ən çox torpaq sahəsi 11 olmaqla Kaxeti bölgəsində satışa təqdim
olunub. Sahələrin biri soydaşlarımızın yaşadığı Qabal kəndində
yerləşir.
13,3314 hektar sahənin başlanğıc qiyməti
307 000 laridir (təxminən 90 min ABŞ dolları).
Qeyd olunmalıdır ki, ermənilərin sıx məskunlaşdığı Samtsxe Cavaxeti
bölgəsində yalnız bir torpaq sahəsi (7,0239 hektar) satışa
çıxarılıb.
Sahələrin elektron hərrac vasitəsilə satışı mayın 18-nə təyin
olunub.
Gürcüstanın İqtisadiyyat və Dayanıqlı İnkişaf Nazirliyindən
bildirilib ki, əcnəbi və vətəndaşlığı olmayan şəxslər, həmçinin
əsas tərəfdaşı xarici hüquqi şəxs olan şirkətlər torpaq sahələrini
almaq hüququna malik deyil.
Mənbə: report.az