Bu gün, 19 aprel tarixində, Marneuli meriyasında inzibati şikayətin
müzakirəsi baş tutub. “Kvemo Kartli mediası” təşkilatı yerli
özünüidarə ictimai məlumat vermədikdən və daxili auditin
hesabatını, tövsiyələri ictimailəşdirmədikdən sonra meriyaya
şikayətlə müraciət edib.
“Biz vəkilimizin köməyi ilə bizə qarşı qanunun hansı maddələrinin
pozulduğunu sübut etdik. Eləcə də mən Marneuli meriyasıın peşə
fəaliyyətimdə mənə mane olduğundan danışdım. Baxmayaraq ki, ictimai
məlumat tələb edən zaman bu məlumatın nə üçün lazım olduğunu
açıqlamaq öhdəliyimiz yoxdur, mən iclas üzvlərinə jurnalist
materialı yaratmaq üçün lazım olduğunu izah etdim. Müvafiq olaraq,
onların göstərdiyi hərəkətsizlik adi peşə fəaliyyətinə mane
olmaqdır” – Kvemo Kartli Mediasının rəhbəri Manon
Bokuçava bildirdi.
İnzibati şikayətin müzakirəs edilməsi iclasına “Marneuli”
radiosunun jurnalistini buraxmayıblar. “Kvemo Kartli Mediasının”
rəhbərinin sözlərinə görə, onlar Marneuli meriyasının iclasın
qapalılığı ilə əlaədar qərarını qeyri-qanuni hesab edirlər. Çünki
bu barədə onlara məlumat verməyiblər.
“Marneuli meriyası bizə gözlənilmədən bildirdi ki, iclas qapalı
formatdadır. İclas barədə bizə məlumat göndərəndə bu qeyd
olunmamışdı və qapalılıq zamanı bunun səbəbini soruşduqda açıqlama
verilmədi. Müvafiq olaraq, iclasa “Marneuli” radiosunun
nümayəndəsini, eləcə də bizim təşkilatın əməkdaşını buraxmayıblar.
Marneuli meriyasının Mətbuat Xidmətinin nümayəndəsi iclasda iştirak
etməyə cəhd edən zaman bizim vəkil bildirdi ki, əgər komissiya
üzvləri və tərəflərdən əlavə iclasda heç kim iştirak etmirsə, o
zaman Marneuli meriyasının Mətbuat Xidmətinin nümayəndəsi niyə
iştirak edir? Bu qeyddən sonra o, iclası tərk etdi”-
Manon Bokuçava bildirdi.
Bokuçavanın sözlərinə görə, meriya nümayəndələri onlara bildiriblər
ki, iclas təxirə salınıb və qərar 26 apreldə elan olunacaq. Onun
sözlərinə görə, yeganə qanuni qərar şikayətin təmin edilməsi və
qanunvericiliyə uyğun olaraq təşkilata meriyanın Audit Xidmətinin
hesabatları və tövsiyələrini verməsi olacaq. Buna baxmayaraq,
Manonun Marneuli meriyasının yenidən ictimai məlumatın
ictimailəşdirilməsindən imtina edəcəyinə dair gözləntisi var.
“Kvemo Kartli Media” təşkilatı Marneuli, Qardabani və Rustavi
meriyalarından daxili audit xidmətinin hesabatlarını 2023-cü ilin
fevral ayında tələb edib. Marneuli və Qardabani bələdiyyələri
təşkilata ictimai məlumatla bağlı ümumiyyətlə cavab verməyib.
Rustavi meriyasından cavab alıblar ki, merin qərarı ilə daxili
Audit Xidmətinin nəticələrini ictimailəşdirməyəcəklər. Manon
Bokuşavanın sözlərinə görə, Rustavi meriyasını artıq məhkəməyə
veriblər, Marneuli meriyasında inzibati şikayətin müzakirəsi bu gün
baş tutub, Qardabani meriyasında şikayətin müzakirə vaxtı isə hələ
məlum deyil.