Հեռուստատեսության ծառայությունների գնման համար Մառնեուլիի
քաղաքապետարանի հայտարարած մրցույթում «Marneuli TV»-ն կրկին
հաղթեց։
Հունվարի 16-ին տեղական ինքնակառավարումը 99800 լարիի հեռուստատեսային
ծառայությունների գնման մրցույթ է հայտարարել։
Մրցույթին մասնակցել է միայն մեկ «Marneuli TV» ընկերություն, որն
առաջարկել է քաղաքապետարանին ծառայություններ մատուցել 99800 լարիով։
Մրցութային առաջարկը նկարագրում է, թե ինչ ծառայություններ պետք է
իրականացնի Marneuli TV-ն 2023 թվականին։
«
Վրացերեն և ադրբեջաներեն լեզուներով հանրության համար կարևոր
տեղեկատվություն պարունակող տեսալսողական հայտարարությունների
տեղադրում»։ (մեկ միավորի տեւողությունը 30 վայրկյանից ոչ պակաս) ըստ
գնորդի ցանկության.
Ուղիղ հեռարձակումներ, քաղաքապետի կամ նրա տեղակալների և (կամ)
ավագանու նախագահի կամ նրա տեղակալների հաղորդումներ, ռեպորտաժներ,
ճեպազրույցներ (քաղաքապետարանի գրասենյակից և/կամ հեռուստատեսությամբ)
արտաքին և առցանց գործունեություն, Ամանոր և կրոնական տոներ, ինչպես
նաև մարզական և մշակութային միջոցառումների, թատերական
ներկայացումների, համերգների և հասարակության համար կարևոր այլ
իրադարձությունների հեռարձակում։ (ըստ գնորդի խնդրանքի):
Քաղաքային խորհրդի նիստերի, քննարկումների, բյուրոյի նիստերի
անցկացում (համաձայնությամբ), զեկուցումներ և (կամ) քաղաքապետի, նրա
տեղակալների խորհրդակցություններ, հաղորդումներ հեռուստատեսությամբ,
մեկ միավորով, 10 րոպեից ոչ պակաս տեւողությամբ, ինչպես վրացերեն,
այնպես էլ ադրբեջաներեն լեզուներով։
Հեռուստատեսության ծառայությունների գնման մրցութային հանձնաժողովի
նիստի արձանագրության համաձայն՝ տեղական ինքնակառավարումը փետրվարի
8-ին մրցույթում հաղթող է ճանաչել Marneuli TV-ին։ Մրցութային
հանձնաժողովի նիստի արձանագրության համաձայն՝ այս փուլում ընթանում է
հեռուստատեսության հետ պայմանագրի նախապատրաստման գործընթացը։
Անցյալ տարի՝ 2022 թվականին, Մառնեուլիի քաղաքապետարանը նշված
մրցույթը հայտարարել է 145 000 լարիով, իսկ 2021 թվականին
հեռուստատեսային ծառայության մրցույթի արժեքը կազմել է 95 800 լարի։
Անցյալ տարի «Մառնեուլի» ռադիոյի հետ զրույցում Մառնեուլիի
քաղաքապետարանի վարչական ծառայության ղեկավար Նինո Դեկանոիձեն ասաց,
որ 2022 թվականին հեռուստատեսային ծառայությունների մրցույթի գումարի
ավելացումը պայմանավորված է եթերաժամանակի ավելացմամբ։ Նա հավելեց, որ
2021 թվականին պարզվել է, որ քաղաքապետարանի կողմից պայմանագրով ձեռք
բերված ուղիղ եթերներն ու եթերաժամանակը բավարար չեն, և բնակչությանը
լիարժեք իրազեկելու համար անհրաժեշտ է եթերաժամանակի ավելացում, ինչը
հանգեցրել է մրցութային արժեքի բարձրացման։
Հարկ է նշել, որ Մառնեուլիի քաղաքապետարանը 2018-2020 թվականներին
աստիճանաբար ավելացրել է հեռուստատեսային ծառայությունների համար
նախատեսված միջոցները։ Օրինակ՝ 2018 թվականին նույն նպատակով
հայտարարվել է 72 հազար լարիի, 2019 թվականին՝ 86 հազար լարիի, 2020
թվականին՝ 125 հազար 640 լարիի մրցույթ։
Վերջին տարիներին «Մառնեուլի TV»-ն առանց մրցակցության հաղթեց
Մառնեուլիի քաղաքապետարանի կողմից հայտարարված հեռուստատեսային
ծառայությունների գնման մրցույթներում։
"Ռադիո Մառնեուլի"
Թարգմ․ ՝ Մարգարիտա Միսկարյան