Այսօր ՝ փետրվարի 19-ին, տեղի է ունեցել Մառնեուլիի քաղաքապետարանի
սակրեբուլոյի նիստը: Երեք հարց է բարձրացվել Քաղխորհրդի նիստում
քննարկման
համար:
Սակրեբուլոյի նիստի առաջին հարցը 2021 թվականի բյուջեի
փոփոխություններն էին: Ինչպես նիստի ժամանակ ասել է Մառնեուլի
քաղաքապետարանի ֆինանսաբյուջետային ծառայության ղեկավար Վուգար
Մամեդովը, նախորդ տարվա բյուջեից մնացած միջոցները կավելանան այս
տարվա բյուջեին:
«Ես ուզում եմ տեղեկացնել, որ բյուջետային 2020 թվականն ավարտված է,
և, իհարկե, բյուջեի մնացորդը մնում է իր պարտավորությունների հետ:
Մենք պարտավոր ենք բյուջեում նշել այդ մնացորդը: Ելքային մնացորդը, իր
պարտավորություններով, կազմում է 5,210,000 լարի, բայց այս գումարից
980,000 լարին մնում է ազատ գումար: Այս գումարը կբաշխվի այս տարվա
բյուջեում իրականացվելիք նախագծերին », - ասել է Վուգար Մամեդովը։
Ըստ Մամեդովի, փոփոխությունների արդյունքում Մառնեուլիի
քաղաքապետարանի 2021 թվականի բյուջեն ավելացվել է ՝ կազմելով 41 500
000 լարի: Դրանից քաղաքապետարանի սեփական միջոցները կազմում են 34 500
000 լարի, իսկ պետական բյուջեից հատկացված գումարը ՝ 7 000 000
լարի:
Երկրորդ հարցի քննարկման ընթացքում փոփոխություններ են կատարվել
Մառնեուլի քաղաքապետարանի կառուցվածքային ստորաբաժանումների
կանոնակարգերում: Հարցի զեկուցող, Մառնեուլիի փոխքաղաքապետ Լաշա
Լոբջանիձեն ասել է, որ այսօր կատարված փոփոխության արդյունքում
Մառնեուլի քաղաքապետարանում վերակազմակերպման գործընթացն ու
ծառայությունների կանոնակարգերը ուժի մեջ կմտնեն մարտի 1-ից:
«Մարտի 1-ից մենք ուզում ենք ուժի մեջ մտցնել, որպեսզի մրցույթներ
հայտարարվի և այդ թափուր տեղերը օրենքով սահմանված կարգով և ժամանակին
լրացնելու համար», - ասել է Լաշա Լոբջանիձեն:
Քաղաքային խորհրդում բարձրացված երրորդ հարցը վերաբերում էր
Մառնեուլի-Ալգեթի ուղղությամբ երթևեկող քաղաքային ավտոբուսին: Հարցը
բարձրաձայնողի խոսքով ՝ ավտոբուսը կանգ է առնում Մառնեուլի շուկայի
մոտակայքում, այդ իսկ պատճառով այդ տարածքում հաճախ մեքենաներ են
կայանում, և այլևս տեղ չի լինում: Սակրեբուլոն որոշում էկայացրել
արգելքային ցուցանակ տեղադրել քաղաքային ավտոբուսի կանգառում,
համաձայն որի ՝ մեքենաներին արգելվելու է կանգնել հասարակական
տրանսպորտին պատկանող վայրում:
19․02․2021
«Ռադիո Մառնեուլի»
Թարգմ․ ՝ Մարգարիտա Միսկարյան