Պետական ​​հատվածում զբաղվածների աշխատավարձերն աճել են 10%-ով: Պաշտոնեական աշխատավարձների  փոփոխությունն արտացոլվել է նաև ՏԻՄ աշխատակիցների մոտ։ Մառնեուլիի քաղաքային խորհուրդը Մառնեուլիի քաղաքապետարանի հաստիքացուցակը հաստատելուց հետո արդեն արտացոլել է քաղաքապետարանի քաղաքական պաշտոնյաների, պրոֆեսիոնալ քաղաքացիական ծառայողների և վարչական պայմանագրով աշխատող անձանց պաշտոնեական աշխատավարձերի չափերի փոփոխությունները։

Մառնեուլիի քաղաքապետարանի քաղաքապետ Քենան Օմարովի աշխատավարձը բարձրացվել է 550 լարիով, իսկ ամսական աշխատավարձը ներկայումս կազմում է 6050 լարի։ Քաղաքապետի առաջին տեղակալ Ռոյն Դեկանոիձեի աշխատավարձն ավելացել է 440 լարիով և կազմում է 4840 լարի։ Ինչ վերաբերում է եւս երկու պատգամավորների՝ Զուրաբ Ֆանգանին եւ Թեմուր Շուբիթիձեին, նրանց պաշտոնական աշխատավարձը սահմանվել է 4235 լարի։

Մենք առաջարկում ենք մի քանի ծառայությունների և դրանց մենեջերների աշխատավարձերը ՝ 

• Վարչական ծառայություն.
• Առաջնային կառուցվածքային ստորաբաժանման ղեկավար՝ վարձատրություն 3509 լարի
• Վարույթների և քաղաքացիների սպասարկման բաժին.
• Երկրորդական կառուցվածքային ստորաբաժանման ղեկավար՝ 2783 լարի
• Հասարակայնության հետ կապերի բաժին.
• Երկրորդական կառուցվածքային ստորաբաժանման ղեկավար՝ 2783 լարի
• Ֆինանսական և բյուջետային սպասարկում.
• Առաջնային կառուցվածքային ստորաբաժանման ղեկավարը՝ 3509 լարի
• Վերահսկողության ծառայություն
• Առաջնային կառուցվածքային ստորաբաժանման ղեկավարը՝ 3509 լարի
• Առողջապահության, սոցիալական ապահովության, մշակույթի, սպորտի, երեխաների իրավունքների պաշտպանության և աջակցության ծառայություն
• Առաջնային կառուցվածքային ստորաբաժանման ղեկավարը՝ 3509 լարի

Ֆինանսների նախարար Լաշա Խուցիշվիլիի տեղեկություններով՝ պետական ​​հատվածում աշխատավարձային քաղաքականությունը զգալիորեն զիջում է մասնավոր հատվածի ցուցանիշներին, և այդ տարբերությունը պետք է վերացվի մինչև 2026 թվականը։

Նշենք, որ Մառնեուլիի քաղաքապետարանի 2023 թվականի բյուջեում աշխատանքային փոխհատուցման համար նախատեսված է 7 057 000 լարի։
"Ռադիո  Մառնեուլի"
Թարգմ․  ՝  Մարգարիտա  Միսկարյան