Մեծ Բրիտանիայի և Ռումինիայի դեսպանները Մառնեուլիում հանդիպումներ են ունեցել «ՆԱՏՕ»-ի վերաբերյալ
Այսօր՝ մայիսի 15-ին, Մառնեուլի են այցելել Վրաստանում ՆԱՏՕ-ի
կոնտակտային դեսպանատների Մեծ Բրիտանիայի և Ռումինիայի դեսպանները և
Վրաստանում ՆԱՏՕ-ի կապի գրասենյակի ղեկավարը։
Այցի շրջանակներում դեսպանները հանդիպումներ են ունեցել Մառնեուլիում
գործող տեղական ինքնակառավարման մարմինների և հասարակական ու
լրատվական կազմակերպությունների ներկայացուցիչների հետ։
Հանդիպումները մեկնարկել են Մառնեուլիի հանրային գրադարանի դիմաց,
որտեղ քաղաքացիներին դիմավորել են տարբեր հուշանվերներով և ՆԱՏՕ-ի և
Եվրամիության մասին տեղեկատվական բրոշյուրներով։
«Ռադիո Մարնեուլիի» հետ զրույցում Վրաստանում ՆԱՏՕ-ի կապի գրասենյակի
ղեկավար Ալեքսանդր Վիննիկովն ասել է, որ պատվիրակության
ներկայացուցիչները հանդիպել են տեղական ինքնակառավարման մարմինների և
քաղաքացիական սեկտորի ներկայացուցիչների և երիտասարդների հետ և
քննարկել ՆԱՏՕ-ի և Վրաստանի միջև հարաբերություններին վերաբերող
հարցեր:
«Սա տարածաշրջանային հանդիպումների մի մասն է, որը մենք
նախատեսում ենք անցկացնել Վրաստանի բոլոր շրջաններում, որպեսզի
շրջանների բնակիչները ուղիղ տեղեկատվություն ունենան ՆԱՏՕ-ի
ներկայացուցիչներից և կապ հաստատեն դեսպանատների հետ, Վրաստանի
և ՆԱՏՕ-ի համագործակցությամբ»։ - ասաց Ալեքսանդր
Վիննիկովը։
Վրաստանում ՆԱՏՕ-ի կապի գրասենյակի ղեկավարի խոսքով՝ Վրաստանը ՆԱՏՕ-ի
ամենամոտ գործընկերներից է։ Նրա խոսքով, Վրաստանը ՆԱՏՕ-ի հավակնորդ
երկիր է, և ՆԱՏՕ-ի անդամները 2008 թվականին հայտարարել են Վրաստանին
ՆԱՏՕ-ին միանալու պատրաստակամության մասին, իսկ Վրաստանում ՆԱՏՕ-ի
կապի գրասենյակը և կապի դեսպանատները օգնում են Վրաստանին
համապատասխանել ՆԱՏՕ-ի չափանիշներին և միանալ ռազմաքաղաքական
կազմակերպությանը:
Վրաստանում Ռումինիայի դեսպան Ռազվան Ռոթունդուն ասել է, որ Վրաստանը
ՆԱՏՕ-ին անդամակցելու ցանկություն ունի, և երկիրը վաղուց է հայտարարել
այդ մասին, այդ իսկ պատճառով Ռումինիան և Մեծ Բրիտանիան աշխատում են
Վրաստանի հետ այդ նպատակին հասնելու համար։
«Ես ներկայացնում եմ մի երկիր, որը միշտ աջակցել է Վրաստանի
անդամակցությանը ՆԱՏՕ-ին՝ սկսած 2008 թվականի Բուխարեստի
գագաթնաժողովից: Բայց չպետք է մոռանալ, որ ՆԱՏՕ-ն որոշումներ է
կայացնում՝ հիմնվելով կոնսենսուսի վրա։ Իհարկե կան ռազմական
պայմաններ։ Բայց ՆԱՏՕ-ն ռազմաքաղաքական միություն է, եւ անհրաժեշտ է,
որ երկրի անդամակցության համար քաղաքական չափանիշները
բավարարվեն»։ - ասաց Ռազվան Ռոթունդուն
Ինչպես Վրաստանում ՆԱՏՕ-ի կապի գրասենյակի ղեկավարը և Վրաստանում
Ռումինիայի դեսպանը, այնպես էլ Վրաստանում Մեծ Բրիտանիայի դեսպան Մարկ
Քլեյթոնը նշեց, որ հատկանշական է, որ դեսպանատները չեն մնացել միայն
Թբիլիսիում և գնացել են Վրաստանի բոլոր շրջանները, քանի որ
մայրաքաղաքը ոչ ամբողջ երկիրը, և Վրաստանը միայն Թբիլիսին չէ։
«Ես կարծում եմ, որ ՆԱՏՕ-ի մասին տեղեկատվության տրամադրումը
բնակչությանը ներդրում է Վրաստանի ժողովրդավարության մեջ։ Բոլոր
հարցումները ցույց են տալիս, որ բնակչության մեծամասնությունը
ցանկանում է անդամակցել ՆԱՏՕ-ին, անդամակցել Եվրամիությանը, և բոլոր
խոշոր քաղաքական կուսակցություններն ասում են, որ դա է իրենց նպատակը։
Այնպես որ, այն, ինչ հիմա անում ենք, գալիս ենք ու բնակչությանը
բացատրում, թե ինչ է ՆԱՏՕ-ն, դա ներդրում է Վրաստանի
ժողովրդավարության և Վրաստանի ապագայի մեջ, դրա համար էլ Մեծ
Բրիտանիան սրա մեծ ջատագովն է»,- ասել է Մարկ
Քլեյթոնն։
Միացյալ Թագավորությունը և Ռումինիան երկու տարի ժամկետով հանդես կգան
որպես ՆԱՏՕ-ի կապի դեսպանություններ։ Գործելով որպես կոնտակտային
դեսպանատներ՝ Մեծ Բրիտանիան և Ռումինիան կաշխատեն էլ ավելի սերտ կապեր
հաստատել Դաշինքի և Վրաստանի միջև:
Այսօր՝ մայիսի 15-ին, Մարնուելիում «Շարժվող դեսպանության»
շրջանակներում տեղի ունեցավ միջոցառում։ Հանդիպումը սկսվեց ժամը
14:30-ին Մառնեուլիի հանրային գրադարանի դիմացի այգում, և հյուրերը
հնարավորություն ունեցան զրուցել պատվիրակության ներկայացուցիչների
հետ և անձամբ նրանցից տեղեկություններ իմանալ ՆԱՏՕ-ի մասին։
"Ռադիո Մառնեուլի"
Թարգմ․ ՝ Մարգարիտա Միսկարյան