Հունիսի 14-ին Մառնեուլիում կանցկացվի պանելային քննարկում՝
հաշմանդամություն ունեցող անձանց իրավունքների պաշտպանության օրվա
կապակցությամբ։
Միջոցառումը կանցկացվի Թամարիսի լճերում՝ կազմակերպված «Սալամի»
հարթակի և «Սոցիալական արդարության կենտրոնի» կողմից։
Քննարկումը կմեկնարկի ժամը 12-ին, որտեղ Բոլնիսի, Դմանիսի և Մառնեուլի
քաղաքապետարանների հաշմանդամները կխոսեն իրենց մարտահրավերների և
կարիքների մասին։ Իսկ երկրորդ մասը նվիրված կլինի հաշմանդամների
հիմնախնդիրներով աշխատող կազմակերպությունների
ներկայացուցիչներին։
«
Հունիսի 14-ը Վրաստանում նշվում է որպես հաշմանդամություն
ունեցող անձանց իրավունքների պաշտպանության օր: Այս օրվա նպատակն է
բարձրացնել հաշմանդամություն ունեցող անձանց հանրային իրազեկությունը
և ևս մեկ անգամ հիշեցնել պետական մարմիններին իրենց
պարտավորությունների մասին՝ բարելավելու իրավական կարգավիճակը:
Մենք պատիվ ունենք հրավիրելու ձեզ պանելային քննարկման, որտեղ առաջին
մասում Բոլնիսիի, Դմանիսիի և Մառնեուլիի քաղաքապետարանների
հաշմանդամները կխոսեն իրենց մարտահրավերների և կարիքների մասին։ Իսկ
երկրորդ մասում հաշմանդամների հիմնախնդիրներով աշխատող
կազմակերպությունների ներկայացուցիչներն ու ակտիվիստները կխոսեն
հաջողված դեպքերի, պարտավորությունների և այլ կարևոր ծրագրերի
մասին»,- գրում է «Սալամի» հարթակը։
Քննարկմանը կտրամադրվի թարգմանչական ռեսուրս:
Գործունեությանն աջակցում են USAID-ը, UNAG-ը և NDI-ն:
"Ռադիո Մառնեուլի"
Թարգմ․ ՝ Մարգարիտա Միսկարյան