Հիվանդությունների վերահսկման կենտրոնի ղեկավար Ամիրան Գամկրելիձեն ասել է, որ կառավարությունը մշակում է համաճարակով սահմանված

սահմանափակումները մեղմելու ծրագիր, որը կներկայացվի այս շաբաթ:
Համակարգող խորհրդի նիստից հետո Գամկրելիձեն նշել է, որ այսպես կոչված Բացման միջոցառումները տեղի կունենան համաճարակաբանական իրավիճակի խիստ վերահսկողության ներքո, և, նրա կարծիքով, դա կրթական համակարգից պետք է սկսի։
«Քայլ առ քայլ բացումը դիտարկվում է տարբեր բիզնեսների խիստ համաճարակաբանական վերահսկողության ֆոնին: Ծրագիրը կլինի 2-3 օրվա ընթացքում, բայց խիստ մոնիտորինգի ֆոնին: Դուք տեսնում եք, թե ինչ է կատարվում Եվրոպայում, շատ տեղերում փակվում են, քանի որ կա երրորդ ալիքի վտանգ:
[…] Իմ կարծիքն այն է, որ բացման ընթացակարգերը պետք է սկսվեն կրթական համակարգից: […] Ընդհանուր առմամբ, եթե դրական տոկոսը հասնի 5% և նույնիսկ ավելի լավ ՝ 3%, նշանակում է, որ մենք կկարողանանք բացման ընթացակարգերն ավելի ակտիվ իրականացնել », - ասել է Ամիրան Գամկրելիձեն:
Վրաստանի հանրակրթական դպրոցներում ուսումը վերսկսվեց հունվարի 18-ին: Վրաստանի մեծ քաղաքներում ՝ Թբիլիսիում, Քութաիսիում, Ռուսթավիում, Գորիում, Զուգդիդիում և Փոթիում, կրթությունը դեռ առցանց է, իսկ այլ համայնքներում առկա ուսուցմամբ:

18․01․2021
«Ռադիո Մառնեուլի»
Թարգմ․ ՝ Մարգարիտա Միսկարյան