Հիվանդությունների վերահսկման ազգային կենտրոնի ղեկավար Ամիրան
Գամկրելիձեն ասել է,
որ իր կանխատեսմամբ ՝ մենք դեռ մեկ տարի ստիպված կլինենք ապրել
որոշակի կանոնակարգերով: Նա այդ մասին խոսել է Palitranius- ի
եթերում:
«Իմ կանխատեսմամբ, մեկ տարի մենք նորից պետք է որոշ կանոնակարգերի
հետևենք: Առաջին հերթին հեռավորություն, դիմակ: Մեկ տարի մենք պետք է
հրաժարվենք հարսանիքներից, մեծ հավաքույթներից, մեծ ծննդյան
խնջույքներից»,
- ասել է Գամկրելիձեն:
Լրագրողի այն հարցին, թե մարտի 1-ից կհանվի պարետային ժամը թե ոչ,
Գամկրելիձեն պատասխանել է, որ դա կախված է նրանից, թե ինչպիսին կլինի
փետրվարը:
Գամկրելիձեն նաև նշել է, որ կանխատեսում է, որ վիրուսը կավարտի իր
կենսաբանական ցիկլը մոտ մեկ տարի հետո և, հավանաբար, կդառնա սեզոնային
կամ թույլ վիրուս, որը կպահանջի սեզոնային պատվաստում:
«Եթե այս տարի պատվաստվի բնակչության 60-70% -ը, հաջորդ տարվա
գարնանը, ամենայն հավանականությամբ, մենք աստիճանաբար կվերադառնանք
բնականոն կյանքին: Բայց այսօր ձեռնարկվող միջոցառումները, ինչպիսիք
են` դիմակ կրելը, հեռավորությունը պահելը և այս հիգիենիկ պայմաններին
հետևելը, որոշ չափով օգնել են գրիպին: Այս տարի մենք չունենք գրիպ:
Դիմակ կրելու առումով հասել ենք 75%-ի և եթե այն հասցնենք 95-ի , ապա
ըստ խոշոր ինստիտուտներից մեկի կանխատեսման, միայն այդպես մայիսին
կունենանք օրական 7-ից 30-40 դեպք և ոչ ավելին։ Այսպես կլինի եթե
շարունակենք կրել դիմակ, որոշ սահմանափակումների հետ մեկտեղ»,- ասել է
Գամկրելիձեն։
Հունվարի 22-ին հայտարարվեց, որ սահմանափակումների մի փոքր մասը
կվերացվի, չնայած մեծ մասը կմնա ուժի մեջ: Սահմանափակումների մի մասը
տարբեր քաղաքներում, տարբեր ժամանակ և տարբեր պայմաններում
կհանվի:
25․01․2021
«Ռադիո Մառնեուլի»
Թարգմ․ ՝ Մարգարիտա Միսկարյան