Այսօր՝ սեպտեմբերի 15-ին, Մառնեուլիի մունիցիպալիտետի Ծոփ գյուղի հանրակրթական դպրոցը նոր մասնաշենքում սկսեց 2022-2023 ուսումնական տարին։

Վրաստանի համայնքային զարգացման հիմնադրամը կրթական ենթակառուցվածքի ծրագրով գյուղում նոր դպրոց է կառուցել։

«Ռադիո Մառնեուլիի» հետ զրույցում Մառնեուլիի քաղաքապետ Քենան Օմարովն ասաց, որ այսօր հանդիսավոր բացվել է Ծոփի հանրակրթական դպրոցը։

«Ուզում եմ հիշեցնել, որ այսօր շատ կարեւոր օր է Մառնեուլիի մունիցիպալիտետում, նշենք, որ ուսումնական գործընթացը թարմացվել է 8 նորակառույց դպրոցներում և երեք հիմնովին վերանորոգված դպրոցներում։ Այսօր հանդիսավորությամբ բացեցինք Ծոփի հանրակրթական դպրոցը։ Շնորհավորում եմ բոլորին նոր ուսումնական տարվա մեկնարկի կապակցությամբ, հատկապես առաջին դասարանցիներին ու նրանց ծնողներին, մաղթում եմ բոլորին հաջող ուսումնական տարի», - ասել է Քենան Օմարովը։

Մարենուլիի քաղաքապետի խոսքով, քաղաքապետարանում ընդհանուր առմամբ գործում է 74 հանրակրթական դպրոց, որոնցից յուրաքանչյուրում ուսումնական գործընթացը վերսկսվել է առանց որևէ խնդրի։

Ծոփի հանրակրթական դպրոցի բացմանը մասնակցել է նաև Մառնեուլիի քաղաքային խորհրդի նախագահ Ամիրան Գիորգաձեն։

«Այսօր շատ կարևոր օր է, ուզում եմ շնորհավորել բոլորին նոր ուսումնական տարվա մեկնարկի կապակցությամբ։ Մենք Կիզիլաջլո և Ծոփ գյուղերում էինք, որտեղ այցելեցինք նորակառույց և նոր վերանորոգված դպրոցներ։ Այսօր պաշտոնապես բացվել է Կիզիլաջլո գյուղի հանրակրթական դպրոցը, որը նախատեսված է 450 երեխայի համար և ծախսվել է մինչև 3 մլն լարի։ Մեր երկրի եվրոստանդարտ ունեցող դպրոցները վկայում են այն մասին, որ սա շատ մեծ առաջընթաց է, որը հնարավորություն է տալիս մեր աշակերտներին ստանալ բարձր, որակյալ և լիարժեք կրթություն»։

«Ռադիո Մարնեուլի»-ի հետ զրույցում Մունիցիպալ զարգացման հիմնադրամի կրթական ենթակառուցվածքների ծրագրի ղեկավար Թամար Քարդավան ասաց, որ այսօր հիմնադրամը բացել է 22 հանրակրթական դպրոց ողջ Վրաստանի տարածքում։

«Ուզում եմ շնորհավորել աշակերտներին ուսումնական տարվա կապակցությամբ եւ մաղթել հաջողություններ։ Քվեմո Քարթլիի շրջանում մենք իրականացրել ենք 22 դպրոցի շինարարություն-վերականգնում, որն ընդհանուր առմամբ ներառում է 91 մլն լարի։ Ակնհայտ է, որ կան մարտահրավերներ, բայց մենք ակնհայտորեն աշխատում ենք այդ մարտահրավերների վրա և ակտիվորեն ներգրավված ենք։ Մենք գիտենք բոլոր խնդիրները և ակնհայտորեն աշխատում ենք այս խնդիրների լուծման ուղղությամբ», - ասաց Թամար Կարդավան

Ծոփի հանրակրթական դպրոցում սովորում է 80 աշակերտ, իսկ նոր շենքը նախատեսված է 150 երեխայի համար։


«Ռադիո Մառնեուլի»
Թարգմ․ ՝ Մարգարիտա Միսկարյան