Միջազգային հանրապետական ինստիտուտը (IRI) հրապարակել է
հասարակական կարծիքի հարցում, որում արտացոլված է քաղաքացիների
վերաբերմունքը տեղական ինքնակառավարման մարմինների նկատմամբ։
Հարցման համաձայն՝ Քվեմո Քարթլիի բնակչության 55%-ը մասամբ գոհ է
տեղական սակրեբուլոյի աշխատանքից։ 17%-ը լիովին գոհ է
սակրեբուլոյի աշխատանքից, 11%-ը մասամբ դժգոհ է, 12%-ը լիովին
դժգոհ է, իսկ 5%-ը չգիտի հարցի պատասխանը կամ չի ցանկանում
պատասխանել։
Քվեմո Քարթլիի բնակչության 51%-ը տեղական ինքնակառավարման
քաղաքապետարանների աշխատանքը գնահատում է մասամբ բավարարված։ 18%-ը
լիովին գոհ է քաղաքապետարանների աշխատանքից, 16%-ը մասամբ դժգոհ է,
10%-ը լիովին դժգոհ է, իսկ 5%-ը չգիտի հարցի պատասխանը կամ հրաժարվում
է պատասխանել։
Հարցումն իրականացվել է 2023 թվականի մարտի 4-23-ն ընկած
ժամանակահատվածում Միջազգային հանրապետական ինստիտուտի
հետազոտությունների կենտրոնի անունից Բալթյան հետազոտությունների և
Գելափ կազմակերպության ներկայացուցիչ դոկտոր Ռասա Ալիշաուսկինի
կողմից։ Հետազոտական դաշտային աշխատանքն իրականացրել է „IPM“-ն։
Տվյալները հավաքագրվել են դեմ առ դեմ հարցազրույցների միջոցով:
Ընտրանքը ընդգրկել է քվեարկության տարիքի 1500 հարցվող: Տվյալները
կշռվել են ըստ տարիքի, սեռի, տարածաշրջանի և բնակավայրի չափի:
"Ռադիո Մառնեուլի"
Թարգմ․ ՝ Մարգարիտա Միսկարյան