Մառնեուլիի մունիցիպալիտետի քաղաքապետը շտապ անհրաժեշտությամբ  մրցույթ է հայտարարել, որը ենթադրում է աշակերտների տեղափոխում դպրոցներ։ Ծառայությունների գնման համար բյուջեից ՏԻՄ-ին հատկացվել է 139 500 լարի։ Ռեսուրսային կենտրոնը նամակ է գրել քաղաքապետարան՝ անհետաձգելի անհրաժեշտության խնդրանքով, որտեղ բացատրում են, որ «հանրային դպրոցի աշակերտների փոխադրման ծրագրի շրջանակներում» 2023 թվականի սեպտեմբեր-դեկտեմբեր ամիսներին գործող երթուղիները պահանջում են ուղղությունների ավելացում/չեղարկում, և աճել է նաև ուսանողների թիվը, այն պետք է իրականացներ «Թայմսերվիս» ՍՊԸ-ն, սակայն, քաղաքապետարանի փոխանցմամբ, ընկերությունը հրաժարվել է համախմբված մրցույթով կնքված պայմանագրային գնով նոր ուղղություն ավելացնել։

«Մառնեուլիի կրթական ռեսուրս կենտրոնը տեղեկացնում է, որ անհրաժեշտ է փոփոխություններ կատարել 2023-2024 ուսումնական տարվա տրանսպորտային ծառայությունների աղյուսակում։Հայտնում ենք, որ Մառնեուլիի քաղաքապետարանի Ալգեթի գյուղի թիվ 1 դպրոցի շենքի վթարային լինելու  պատճառով ս.թ. ուսումնական գործընթացը ընթանում էր Մառնեուլիի թիվ 8 հանրակրթական դպրոցի շենքում։  Դպրոցների միջև հեռավորությունը 9 կիլոմետր էր։ Ուսուցիչների և ծնողների դժգոհության արդյունքում ուսումնական գործընթացը կշարունակվի Թազաքենդի գյուղի թիվ 1 դպրոցում։  Մառնեուլիի մունիցիպալիտետի՝ 3 կիլոմետր հեռավորության վրա վերականգնողական աշխատանքների մեկնարկի պատճառով Մառնեուլիի մունիցիպալիտետի Բայդար գյուղի հանրակրթական դպրոցը տեղափոխվել  է Մառնեուլիի մունիցիպալիտետի Քութլիարի գյուղի հանրակրթական դպրոցին։ 3. Մառնեուլիի մունիցիպալիտետի Քեսալո գյուղի նախկին երկրորդ Քեսալոյի հանրակրթական դպրոցը կտեղափոխվի Քեսալոյի հիմնական դպրոց։  4. Մառնեուլի էկոմիգրանտ Յագլուջի բնակավայրի աշակերտները երկու հերթափոխով հաճախում են LSI Մառնեուլիի N5 հանրակրթական դպրոց։ 5. Ազիզքենդի գյուղից Ծերեթելի գյուղի  դպրոցում ավելացվել է երկրորդ հերթափոխ. 6.  Մառնեուլիի մունիցիպալիտետի Սաիմերլո գյուղի դպրոցի երկրորդ հերթափոխին ավելացվում է Դամիագորախի գյուղի  դպրոցը»,- ասված է ռեսուրսային կենտրոնի նամակում։

Մառնեուլիի ռեսուրսային կենտրոնից "Ռադիո Մառնեուլի"-ին հայտնեցին, որ մինչ համախմբված մրցույթում հաղթող ընկերության հայտարարումը, աշակերտների  տեղափոխումը կիրականացնեն նախորդ տարիներին աշխատած վարորդները՝ իրենց խնդրանքով։ Ըստ ռեսուրս կենտրոնի պատասխանատու Ալի Գախրամանովի, կան որոշ աշակերտներ, ովքեր այս փուլում դպրոց են գնում սեփական միջոցներով, սակայն նա ասում է, որ 2-3 օրից իրավիճակը կփոխվի, և երթուղիները կվերադառնան դեպի սովորական ժամանակացույց։    


"Ռադիո  Մառնեուլի"
Թարգմ․  ՝  Մարգարիտա  Միսկարյան