Մառնեուլիի մունիցիպալիտետի տեղական ինքնակառավարումը մրցույթ է հայտարարել 23 ճանապարհային ենթակառուցվածքային նախագծերի իրականացման համար անհրաժեշտ նախագծային և ծախսային հաշվառման փաստաթղթերի պատրաստման համար։

«Նշված ծառայությունը ներառում է ավտոճանապարհների, այդ թվում՝ դրանց վրա տեղակայված արհեստական ​​կառույցների (պատեր, խողովակներ, կամուրջներ) վերականգնման նախագծային ծախսերի հաշվառման և մրցութային ընթացակարգերի իրականացման համար անհրաժեշտ տեխնիկական փաստաթղթերի տրամադրում։ -Նշված է մրցույթի տեխնիկական փաստաթղթում։ 

Մառնեուլիի քաղաքապետարանը նախատեսում է 400 հազար լարիով գնել քաղաքապետարանի տարածքում ճանապարհների կառուցման և վերականգնման աշխատանքների նախագծային և ծախսային հաշվառման փաստաթղթերի կազմման ծառայությունները։

Մրցույթի համաձայն՝ Մառնեուլիի ողջ տարածքում 23 վայրերում կիրականացվեն ճանապարհաշինական/վերականգնողական աշխատանքներ։
Այս վայրերն են ՝ 

• Մառնեուլի շրջանցիկ ճանապարհի կառուցում
• Մառնեուլիի մայիսի 26-ի փողոցում հետիոտնային ճանապարհի կառուցում՝ հրապարակից մինչև կենտրոնական այգի
• Ծերեթելի գյուղի ներքին ճանապարհների վերականգնում
• Սայիմերլո գյուղի ներքին ճանապարհների վերականգնում
• Թամարիս գյուղ մուտքի ճանապարհի վերականգնում (բետոն)
• Շուլավերի գյուղի (Նախալովկի բնակավայրում) ճանապարհի վերանորոգում
• Իմիր գյուղի ներքին ճանապարհի ասֆալտապատում
• Իմիր գյուղի պոմպակայանի մոտ մուտքի ճանապարհի վերականգնում
• Զեմո Կուլար (Ցխենսաշենի) գյուղի ներքին ճանապարհների վերականգնում
• Շահումյան գյուղի ներքին ճանապարհների վերականգնում (բետոնե/երկաթբետոնե ծածկով)
• Ալգեթի գյուղի ներքին ճանապարհների վերականգնում (1. Մոլա Բայրամլի փողոց; 2. Մառնեուլի-Լոմթագորա միացնող ճանապարհ, 3. Երկու կանգառների կազմակերպում)
• Ազիզքենդի գյուղի, Թազաքենդի գյուղի և Գաջիսաքենդի գյուղի ներքին ճանապարհների վերականգնում.
• Ծերաքվի ի և Սիոն գյուղի ներքին ճանապարհների վերականգնում (ՌԿ/բետոնապատմամբ)
• Չանախչի գյուղի դպրոցի  մուտքի ճանապարհի վերանորոգում (երկաթ/բետոնապատ)
• Բեյթարաբչի գյուղի ներքին ճանապարհների վերականգնում
• Կապանախչիշ գյուղի տարածքային միավորում ընդգրկված գյուղերի ներքին ճանապարհների վերականգնում
• Խուտորլեջբադին գյուղը և Քութլիարի գյուղը կապող ճանապարհ
• Աղքյորփի  գյուղի ներքին ճանապարհի վերանորոգում (բետոնե/երկաթբետոնե ծածկով)
• Կաճագան գյուղի ներքին ճանապարհների վերականգնում
• Աղմամեդլո գյուղի ներքին ճանապարհների վերականգնում
• Դաշտափա գյուղի ներքին ճանապարհների վերականգնում
• Կուդրի գյուղի մուտքի ճանապարհի վերականգնում ՌԿ/բետոնե ծածկով
• Աղքյորփի  գյուղում դեպի զբոսաշրջային դիտակետ մուտքի ճանապարհի կառուցում

Մրցույթին մասնակցել ցանկացող ընկերությունները կարող են առաջարկություններ ներկայացնել դեկտեմբերի 15-ից 18-ն ընկած ժամանակահատվածում։ Մրցութային առաջարկի համաձայն՝ հաղթող ընկերությունը պայմանագիրը կնքելուց հետո 120 օրացուցային օրվա ընթացքում քաղաքապետարանին պետք է տրամադրի նախագծային և ծախսերի հաշվառման փաստաթղթեր։

Լուսանկարը՝ Ռադիո «Մառնեուլի» արխիվ

"Ռադիո  Մառնեուլի"
Թարգմ․  ՝  Մարգարիտա  Միսկարյան