; Մառնեուլիի ամանորյա զարդարանքն արդեն սկսվել է, բայց,
քաղաքապետարանի հայտարարած մրցույթում հաղթողը դեռ չի հայտարարվել։
Նոյեմբերի 7-ին Մառնեուլիի մունիցիպալիտետի տեղական ինքնակառավարումը
մրցույթ է հայտարարել Ամանորի և Սուրբ Ծննդյան օրերին քաղաքի և
շրջակայքի զարդարման համար ամանորյա լուսավոր շինությունների և տարբեր
սարքերի տեղադրման-ապամոնտաժման ծառայությունների գնման համար։
Մրցույթին մասնակցել են երկու ընկերություններ՝ «Մաիջիպիես» և
«Քոլորֆուլ սֆիրիտ» ՍՊԸ։
Մառնեուլիի քաղաքապետարանը 350 070 լարիի մրցույթ է հայտարարել
Մառնեուլիի ամանորյա զարդարման համար։ Ընկերություններից մեկը
առաջարկել է քաղաքապետարանի աշխատանքը կատարել 346007 լարիով, իսկ
մյուս ընկերությունը՝ 333000 լարիով։ Մրցույթի համաձայն՝ պայմանագիրն
այս փուլում պատրաստվում է, սակայն հայտնի չէ, թե որ ընկերությունն է
շահել։
Ռադիո «Մառնեուլին» մի քանի օր քաղաքապետարանում փորձում էր պարզել,
թե ինչու է սկսվել քաղաքի զարդարումը, երբ մրցույթում հաղթող ճանաչված
ընկերությունը դեռ հայտնի չէ և պայմանագիրը կնքված չէ։ Մառնեուլիի
քաղաքապետարանը չի պատասխանում «Մառնեուլի ադիոյի»
հարցերին։
Մառնեուլիում արդեն վառվել է կենտրոնական հրապարակի շատրվանը, շուկայի
հարակից հրապարակի լույսերը։ Մառնեուլիի քաղաքապետարանի դիմաց
էլ ամանորյա զարդարանքներ են պատրաստվում։
Մառնեուլիի քաղաքապետարանը տեղեկություն չի հայտնում, թե ինչու է
քաղաքի զարդարումը սկսվել մինչև պայմանագրի ստորագրումը։
"Ռադիո Մառնեուլի"
Թարգմ․ ՝ Մարգարիտա Միսկարյան