Մառնեուլիի երկու գյուղ վերանվանվել է
Մառնեուլիի մունիցիպալիտետի երկու գյուղ պաշտոնապես վերանվանվել են։
Այս մասին տեղեկությունը հայտնի է դարձել հուլիսի 27-ին, Մառնեուլիի
սակրեբուլոյի նիստում։ Քաղաքապետարանի վարչական ծառայության ղեկավար
Մամուկա Շուբիթիձեն հարցը քննարկման է բերել և ասել, որ անունների
անվանափոխության գործընթացը քաղաքապետարանում սկսվել է 2019թ.-ին, թեև
վերջերս այն արտացոլվել է հանրային ռեգիստրում։ Խոսքը երկու գյուղի
մասին է։ Բուդյանովկային անվանել են Մեծամուլա, իսկ Ուլյանովկային
փոխարինել է Վերխվիանին։
«Վրաստանի կառավարության որոշման համաձայն՝ մունիցիպալիտետի
անվանումները կփոխարինվեն աշխարհագրական դիրքերով: Եվ խնդրում եմ
քվեարկեք»,- ասել է Մամուկա Շուբիթիձեն։
Պատգամավորները դրական քվեարկեցին փոփոխությանը։
Հուլիսի 27-ին ավագանու նիստում քննարկվել է ընդհանուր առմամբ 8
հարց։
"Ռադիո Մառնեուլի"
Թարգմ․ ՝ Մարգարիտա Միսկարյան