Մառնեուլիի քաղաքապետարանի տեղական ինքնակառավարումը քաղաքապետարանի և սակրեբուլոյի  համար ձեռք է բերել 6 սառնարան։

Սառնարանների գնման համար քաղաքապետարանը պարզեցված պայմանագիր է կնքել անհատ ձեռնարկատեր Քանան Ալիեւի հետ։

Պարզեցված պայմանագրին կցված է 6 հաշվետվական քարտ, ըստ որի՝ քաղաքապետարանի և սակրեբուլոյի  ծառայությունների համար գնվելու են սառնարաններ։

«Գիտեք, թե ինձ ենթակա ծառայությունը որքան ծանրաբեռնված վարչական աշխատանքի ռեժիմ ունի իր երկրորդական կառուցվածքային ստորաբաժանումներով՝ ստորաբաժանումներով իրեն վերապահված իրավասությունները/լիազորված գործառույթներն ու պարտականությունները կատարելու համար, ինչը դրսևորվում է ոչ միատեսակ գործունեության և գործառույթ-պարտականությունների իրականացման մեջ  և դրա համար ամենօրյա ծանրաբեռնված աշխատանքային գրաֆիկի պահպանման համար։  Հաշվի առնելով սեզոնային շոգ եղանակային պայմանները, գործնականում անտանելի և անհնար է, եթե ծառայությունը պատշաճ կերպով ապահովված չէ համապատասխան պայմաններով, ինչի համար կարևոր է գնել 1 (մեկ) միավոր երկխցիկ սառնարան մեր ծառայության համար»,- նշված է քաղաքապետարանի ֆինանսաբյուջետային ծառայության ղեկավար Կոբա Չխիտունիձեի հաշվետվության մեջ։

Մառնեուլիի քաղաքապետարանի ֆինանսական և բյուջետային ծառայության հետ միասին սառնարաններ են ձեռք բերվել դեպքերի կառավարման և քաղաքացիների սպասարկման բաժնի, վարչական ծառայության, առողջապահության, սոցիալական ապահովության, մշակույթի, սպորտի, երեխաների իրավունքների պաշտպանության և աջակցության ծառայության համար:

Սառնարաններ են ձեռք բերվել նաև Մառնեուլիի սակրեբուլոյի գրասենյակի աշխատասենյակի և քաղաքապետարանի աշխատակազմի նյութատեխնիկական և համակարգչային սպասարկման բաժնի համար։

Մառնեուլիի քաղաքապետարանը անհատ ձեռնարկատեր Քանան Ալիեւին 6 սառնարանի համար վճարել է 5275 լարի։

"Ռադիո  Մառնեուլի"
Թարգմ․  ՝  Մարգարիտա  Միսկարյան