Մառնեուլիի մունիցիպալիտետի տեղական ինքնակառավարումը հայտարարել է
երրորդ մրցույթը՝ նվազեցված գումարով, կոյուղաջրերի մաքրման և ներծծող
մեքենայի գնման համար։
Մառնեուլիի քաղաքապետարանը նախատեսել էր ծախսել 328 700 լարի կոյուղու
մեքենա գնելու համար, որի համար հայտարարվել էր
երկու մրցույթ՝ մարտի 15-ին և ապրիլի 18-ին։ Երկու մրցույթներն էլ
ավարտվել են բացասական արդյունքներով։
Մառնեուլիի քաղաքապետարանը սեպտեմբերի 28-ին հայտարարեց կոյուղաջրերի
մաքրման և ներծծող մեքենայի գնման երրորդ մրցույթը՝ նվազեցված
գումարով։ Մառնեուլիի քաղաքապետարանի հասարակայնության հետ կապերի
բաժնի ղեկավար Դավիթ Չիկաձեն "Ռադիո Մառնեուլի" -ին ասել է, որ
գումարի նվազեցումը պայմանավորված է շուկայի ուսումնասիրությամբ։
«
Նախորդ մրցույթն ավարտվել է բացասական արդյունքով, եւ այս
գումարը որոշվել է շուկայի ուսումնասիրության արդյունքում՝ նոր
մրցույթի հայտարարման ժամանակ", - ասել է Դավիթ Չիկաձեն
Այս անգամ Մառնեուլիի քաղաքապետարանը մտադիր է 260 հազար լարիով
կոյուղու մեքենա գնել։
Նշենք, որ տեղական ինքնակառավարումը 180 հազար լարիի մրցույթ էր
հայտարարել՝ 2022 թվականին կոյուղու մաքրման մեքենայի ձեռքբերման
համար։ Որին մասնակցել է միայն մեկ ընկերություն։ Այդուհանդերձ,
Մառնեուլիի քաղաքապետարանը հայտարարել է նշված մրցույթը դադարեցված՝
կոյուղաջրերի ճնշման լվացման պարամետրերը չնշելու պատճառով։
«
Նշված տեխնիկական բնութագրերում և գների աղյուսակում նշված
չեն ճնշման լվացքի մեքենայի պարամետրերը, որը ներկայումս հանդիսանում
է Մառնեուլիի քաղաքապետարանի կոյուղու համակարգի լվացման անհրաժեշտ
բաղադրիչներից մեկը, տեխնիկական բնութագրերը ներառում են միայն
զանգվածի պոմպային բնութագրերը», - Քաղաքապետարանի գույքի
կառավարման և նյութատեխնիկական աջակցության ծառայության առաջնային
կառուցվածքային ստորաբաժանման ղեկավար Ագիլ Ամիրջանովն այսպես է
բացատրում մրցույթի դադարեցման պատճառը Մառնեուլիի քաղաքապետին գրված
զեկույցում։
"Ռադիո Մառնեուլի"
Թարգմ․ ՝ Մարգարիտա Միսկարյան