Մառնեուլիի քաղաքապետարանը «Գինու օրերին» կառավարության ներկայացուցիչներին հյուրընկալելու համար ծախսել է 8334 լարի
Մառնեուլիի քաղաքապետարանի տեղական ինքնակառավարումը պարզեցված
պայմանագիր է կնքել անհատ ձեռներեց Վալերի Քիմաձեի հետ՝ Մառնեուլիում
ամենամյա գինու փառատոնի «Գինու օրերի» ընթացքում ընթրիքով
հյուրընկալելու կառավարության հյուրերին։
«Տեղեկացնում եմ, որ հոկտեմբերի 7-15-ը Վրաստանի տարբեր
շրջաններում Վրաստանի կառավարության նախաձեռնությամբ և
կազմակերպմամբ կանցկացվի «Գինու օրեր» ամենամյա գինու փառատոնը։ Նշված
միջոցառման շրջանակներում հոկտեմբերի 8-ին Մառնեուլիի
քաղաքապետարանում կանցկացվի փառատոն, որտեղ հրավիրված կլինեն հյուրեր
տարբեր գերատեսչություններից։
Ելնելով վերոգրյալից՝ խնդրում ենք հանձնարարել համապատասխան
ծառայությանը՝ հրավիրված հյուրերին ընթրիքով հյուրասիրելու նպատակով
ապահովել օրենքով սահմանված համապատասխան միջոցառումների
իրականացումը",- այս մասին նշված է Մառնեուլիի
քաղաքապետարանի վարչական ծառայության ղեկավարի կողմից Մառնեուլիի
քաղաքապետին գրած զեկույցում։
Մառնեուլիի քաղաքապետարանը Վալերի Քիմաձեին 8334 լարի է վճարել
հյուրեր ընթրիքով ընդունելու համար։
Նշենք, որ «Գինու օրերը» դարձել են ավանդական եւ ամեն տարի անցկացվում
են Վրաստանի տարբեր մունիցիպալիտետներում։ «Գինու օրերի» կազմակերպիչը
կենտրոնական իշխանությունն է։
"Ռադիո Մառնեուլի"
Թարգմ․ ՝ Մարգարիտա Միսկարյան