Մառնեուլի քաղաքի N3 մանկապարտեզում տեղադրվել են 42 կՎտ հզորությամբ արևային ֆոտովոլտային մարտկոցներ։

Մառնեուլիի քաղաքապետարանի տարածած տեղեկատվության համաձայն՝ մանկապարտեզում արևային մարտկոցները տեղադրվել են Մառնեուլիի քաղաքապետարանի և լեհական Գմինա  Կոբիլնիցայի միջև ստորագրված համագործակցության հուշագրի շրջանակներում։

«Ֆոտոէլեկտրական համակարգի փորձարկումն ու ստուգումն արդեն ավարտվել է, կայանը նորմալ աշխատում է։
Ֆոտովոլտային համակարգի տեղադրումն իրականացվել է RP Global ընկերության կողմից՝ լեհական կողմի պատվերով, որը միջազգային մակարդակի մշակող և օպերատոր է վերականգնվող էներգիայի ոլորտում։ - նշված է քաղաքապետարանի հայտարարության մեջ։

Արեւային մարտկոցների տեղադրման նախագծի արժեքը 26680 եվրո է, իսկ ամբողջ գումարը վճարել է Գմինա Կոբիլնիցայի տեղական ինքնակառավարումը։

Հայտարարության մեջ Մառնեուլիի ինքնակառավարումը շնորհակալություն է հայտնում Գմինա Կոբիլնիցային ծրագրի իրականացման համար և նշում, որ արևային մարտկոցների  տեղադրմանը  այցելել են  Մառնեուլիի մունիցիպալիտետի քաղաքապետ Քենան Օմարովը, սակրեբուլոյի նախագահ Ամիրան Գիորգաձեն, Մառնեուլիի փոխքաղաքապետ  Թեմուր Շուբիտիձեն, քաղաքային խորհրդի փոխնախագահ Ռիչարդ Գիգանը, քաղաքապետարանի կառուցվածքային ստորաբաժանման ղեկավարը և Մառնեուլիի քաղաքապետարանի  մանկապարտեզների  միության ղեկավարները:

Լուսանկարը՝ Մառնեուլիի քաղաքապետարան


"Ռադիո  Մառնեուլի"
Թարգմ․  ՝   Մարգարիտա  Միսկարյան