Մառնեուլիի մունիցիպալիտետի բոլոր դպրոցներում ուսումնական տարին
վերսկսվել
է դասարաններում: Նոր կանոնակարգի համաձայն, անհրաժեշտ կլինի, որ
տարածքում գտնվողները կրեն դիմակ:
Կրթության և գիտության նախարարությունը հնարավորություն է տալիս
ծնողներին ընտրել հեռավար ուսուցման ձևը, մինչդեռ ռիսկային խմբի
ուսուցիչները, ցանկության դեպքում, կարող են դասեր անցկացնել հեռակա
կարգով: Ինչպես «Ռադիո Մառնեուլի»-ին տեղեկացրել է Մառնեուլի ռեսուրս
կենտրոնի ներկայացուցիչ Իրմա Դավաձեն, մունիցիպալիտետն այս տարի
ընդունել է մոտ 2000 առաջին դասարանցի:
«Այսօր ՝ հոկտեմբերի 4 -ին, Մառնեուլիի մունիցիպալիտետի 74 պետական եւ
երկու մասնավոր դպրոցներ անցել են դասարանային ուսուցման: Բոլորին
տրվել է համապատասխան ախտահանիչ լուծույթներ, դիմակներ, ջերմաչափիչ
սարքեր, որոնք բոլորը նախարարության կողմից բաշխվել են դպրոցներին
որպես նվեր: Ծնողներին հնարավորություն է տրվում ցանկության դեպքում
ընտրել հեռավար ուսուցման ձևը: Դա անելու համար նրանք պետք է «Էսքուլի
»-ի բազայում լրացնեն հատուկ ձևաթուղթ շյուրաքանչյուր հինգշաբթի, իսկ
ուրբաթ օրը դպրոցը կգրի դասապլան», - ասել է Իրմա Դավաձեն:
Ռեսուրս կենտրոնի ներկայացուցչի խոսքով ՝ նախարարությունը շարունակում
է ուսուցչի թեստերի տրամադրումը: Նրա խոսքով ՝ բոլորը թեստավորվել են
մինչև հոկտեմբերի 4 -ը, բայց կորոնավիրուսի դեպքեր չեն
հայտնաբերվել:
Ինչ վերաբերում է դպրոցների բացման կարեւոր գործոններից մեկին ՝
պատվաստմանը, ապա այս պահին մունիցիպալիտետի կրթական
հաստատությունների 3000 աշխատակցից 1300-ը պատվաստվել են:
«Ռադիո Մառնեուլի»
Թարգմ․ ՝ Մարգարիտա Միսկարյան
04.10.2021