Ադրբեջանական համայնքը պահանջում է վերացնել պարետային ժամը մեկ օրով ՝

Նովրուզ Բայրամի տոնի կապակցությամբ: Քաղաքացիական հասարակության ակտիվիստներն ու հասարակական կազմակերպություններն արդեն դիմել են Վրաստանի վարչապետ Իրակլի Ղարիբաշվիլիին ՝ մարտի 21-ին ՝ Նովրուզ Բայրամի տոնին, պարետային ժամը հանելու խնդրանքով:
Այսօր ՝ մարտի 12-ին, համայնքի ներկայացուցիչները մամուլի ասուլիս են հրավիրել, որտեղ նրանք մեկ անգամ ևս բարձրաձայնել են իրենց պահանջը և խոսել Նովրուզ Բայրամի կարևորության մասին:
«Մենք հասկանում ենք, որ կարևոր է որոշակի սահմանափակումներ մտցնել այս համաճարակի ընթացքում, բայց հաշվի առնելով, որ վերջերս համաճարակային իրավիճակը նվազել է, մենք ՝ Վրաստանի ադրբեջանական համայնքը, կարծում ենք, որ մարտի 21-ը ՝ Նովրուզ Բայրամի օրը, պետք է մեկ օրով վերացվի պարետային օրը» - ասել է «Սալամ» պլատֆորմի անդամ Բենյամին Քասիմողլուն։
Քասիմողլուի խոսքով ՝ 2020 թվականին ադրբեջանական համայնքը ընդհանրապես չկարողացավ նշել Բայրամը ՝ կորոնավիրուսի կանխարգելման հարցով պետության կողմից սահմանված սահմանափակումների պատճառով:
«Այս տոնի էությունն այն է, որ երեկոյան անցկացվում են հիմնական գործողությունները ՝ լինի դա այցելություն, կրակ վառելը կամ տարբեր ավանդական ծեսեր: Մենք նաև կարծում ենք, որ Նովրուզ Բայրամի տոնակատարությունը Վրաստանի համար կլինի ազգամիջյան համերաշխության և բազմազանության օրինակ », - ասաց Բենյամին Քասիմօղլուն:

Քաղաքացիական ինտեգրման ֆոնդի գործադիր տնօրեն Զաուր Խալիլովը լրագրողների հետ հանդիպման ժամանակ ասել է, որ իրենք մարտի 11-ին դիմել են վարչապետի կանցլեր և այժմ սպասում են կառավարության պատասխանին:
«Անցյալ տարի կորոնավիրուսը նոր էր մեր և ամբողջ աշխարհի համար, և, իհարկե, մենք հասկացանք, թե ինչ վտանգներ կարող է ունենալ կորոնավիրուսի տարածումը, և դրա պատճառով Բաիրամի տոնակատարությունը հետաձգվեց, և կարելի է ասել, որ ոչ մի միջոց չձեռնարկվեց, չնայած մարդիկ դրան պատրաստվել էին երկար ժամանակ: Այսօր իրավիճակը փոխվել է: Ուստի կարծում ենք, որ մեկ օրով շարժման սահմանափակումը պետք է վերացվի: Կրկնում եմ, բոլոր մյուս առաջարկություններն ու սահմանափակումները պահպանվելու են »: - ասել է Զաուր Խալիլովը։
Հատկանշական է, որ վերջերս Վրաստանի էթնիկ ադրբեջանական համայնքը շահերի պաշտպանության արշավներ էր իրականացնում ։
«Նովրուզը» պարսկերեն բառ է: Դրա մի մասը նշանակում է «Նով» ՝ նոր, իսկ մյուսը ՝ «Վարդ»: Նովրուզ Բայրամը գարնան գալուստի հրաշք է, իսկ որոշ երկրներում `Նոր տարի:
2010 թվականին ՄԱԿ-ի Գլխավոր ասամբլեան Նովրուզը ճանաչեց որպես միջազգային օր: 2009 թվականի սեպտեմբերի 28-ին ՅՈՒՆԵՍԿՕ-ի գագաթնաժողովում Նովրուզը պաշտոնապես ընդգրկվեց մարդկության ոչ նյութական մշակութային ժառանգության ցուցակում: 2010 թվականին Վրաստանում Նովրուզ Բայրամը հայտարարվեց ընդհանուր պետական տոն:

12․03․2021
«Ռադիո Մառնեուլի»
Թարգմ․ ՝ Մարգարիտա Միսկարյան