Վրաստանի կառավարության որոշմամբ ՝ կորոնավիրուսի հետ կապված
սահմանափակումների մեղմացումը կսկսվի փետրվարի 8-ին:
Ինչպես հայտարարել է վարչապետ Գիորգի Գախարիան այսօր ՝ փետրվարի 4-ին,
կառավարության նիստում, սահմանափակումները ժամանակից շուտ մեղմելու
մասին որոշում է կայացվել ՝ հաշվի առնելով համաճարակաբանական
իրավիճակը:
Վերջին տվյալների համաձայն, կորոնավիրուսի տարածման ամենօրյա
ցուցանիշը փետրվարի 3-ին կազմել է 3,51%, վերջին 14 օրվա ընթացքում
`4,41%, իսկ 7 օրվա ընթացքում` 3,79%:
Կմեղվացվեն ՝
Փետրվարի 8-ին քաղաքային տրանսպորտը կվերսկսի աշխատանքը Վրաստանի
բոլոր քաղաքներում, այդ թվում ՝ Թբիլիսիում (սա չի տարածվում
միջքաղաքային տրանսպորտի վրա),
Փետրվարի 8-ից կբացվեն շուկաները,
Փետրվարի 15-ից ռեստորանները բաց տարածքներում կկարողանան սպասարկել
մարդկանց,
Փետրվարի 15-ից կրթությունը կվերսկսվի դպրոցական շենքում Վրաստանի
բոլոր քաղաքներում։
Կմնան ուժի մեջ ՝
Հանգստյան օրերին տրանսպորտը, առևտրի կենտրոնները, խանութները,
տոնավաճառները և սրճարանները փակ կլինեն,
Ֆիթնես ակումբները, լողավազանները, կինոթատրոնները, ժամանցի
կենտրոնները, բարերը, գիշերային ակումբները մնում են փակ,
Պարետային ժամը դեռ գործում է 21: 00-ից 05: 00-ն,
Միջքաղաքային տրանսպորտը չի գործի,
Լայնածավալ ծիսական միջոցառումները (հարսանիքներ, քելեխ և այլն) դեռ
արգելված են:
04․02․2021
«Ռադիո Մառնեուլի»
Թարգմ․ ՝ Մարգարիտա Միսկարյան