Վարչապետ Իրակլի Ղարիբաշվիլին ասել է, որ արտահերթ խորհրդարանական ընտրություններ չեն անցկացվի, եւ հարցը փակված է:

Նա ասել է, որ կառավարությունը պատրաստ է հասնել ողջամիտ ու արդար փոխզիջման:
«Երկրում արտահերթ ընտրություններ չեն լինի, մենք ավարտել ենք դրա մասին խոսակցությունները: Մենք լսել ենք ԵՄ պաշտոնյաների, ԱՄՆ պետդեպարտամենտի, Սենատի և այլնի հայտարարությունները: ԵԱՀԿ / ԺՀՄԻԳ-ի եզրակացությունները, ամբողջ աշխարհը ճանաչել է մեր ընտրությունները և շնորհավորել մեզ, ի՞նչ ընտրությունների մասին եք խոսում: Ինչ վերաբերում է մեր երկխոսությանը, իհարկե, այն շարունակվում է, և ես կցանկանայի մեկ անգամ ևս թողնել լավատեսական սպասումը, որ համաձայնություն ձեռք կբերվի: Մենք պատրաստ ենք հասնել ողջամիտ և արդար փոխզիջման: Արտահերթ ընտրությունների հարցը փակված է, Վրաստանում քաղբանտարկյալներ չկան», - ասել է Ղարիբաշվիլին:
Այսօր ՝ մարտի 29-ին, Ղարիբաշվիլին հանդիպել է Եվրոպական խորհրդի նախագահի անձնական ներկայացուցիչ Քրիստիան Դանիելսոնի հետ, ով երկրորդ անգամ է այցելում Վրաստան միջնորդության նպատակով:
Եվրոպայի խորհրդի նախագահի հատուկ ներկայացուցիչ Քրիստիան Դանիելսոնը երկրորդ անգամ է այցելում Վրաստան ՝ կողմերի միջնորդության համար: Դանիելսոնի խոսքով ՝ նա Վրաստանում կմնա երեք օր ՝ մինչեւ երեքշաբթի, մարտի 30-ը:
Երեկ ՝ մարտի 28-ին, նա հանդիպել է Վրաստանում Եվրամիության և Միացյալ Նահանգների դեսպանների հետ, ապա հանդիպել հասարակական կազմակերպությունների ներկայացուցիչների հետ:
Քրիստիան Դանիելսոնը առաջին անգամ Վրաստան էր ժամանել մարտի 12-ին: Կառավարության և ընդդիմության միջնորդության շրջանակներում Դանիելսոնը մի շարք անհատական հանդիպումներ է անցկացրել ինչպես ընդդիմության, այնպես էլ «Վրացական երազանքի» ներկայացուցիչների հետ:
Մարտի 17-18-ը միջնորդը հանդիպել է կողմերին, բայց բանակցություններն ավարտվել են առանց համաձայնության, և Քրիստիան Դանիելսոնը հեռացել է Վրաստանից:

29․03․2021
«Ռադիո Մառնեուլի»
Թարգմ․ ՝ Մարգարիտա Միսկարյան