Հասարակության մեջ արգելված է սոցիալական միջոցառումների (օրինակ

՝ հարսանիքներ, տարեդարձեր, քելեխ և այլն) և զանգվածային ժամանցային միջոցառումների համար տարածքի տրամադրումը, - համապատասխան փոփոխությունը ընդգրկվել է «Մեկուսացման և կարանտինի կանոնները հաստատելու մասին» Վրաստանի կառավարության որոշման մեջ:
Հրամանը պարտավորեցնում է տարածքի սեփականատիրոջը ձեռնարկել բոլոր ողջամիտ միջոցները, այդ թվում `պայմանագրում որոշակի սահմանափակումներ մտցնելով, որպեսզի թույլ չտա տարածքի օգտագործումը հրամանագրով արգելված նպատակներով: Բացի այդ, տարածքի սեփականատերը պարտավոր է անհապաղ տեղեկացնել համապատասխան ծառայություններին խախտման մասին տեղեկություն ստանալուն պես:
Բացի այդ, եթե արգելված միջոցը ուղեկցվում է Առողջապահության նախարարի հրամանով հաստատված պահանջների խախտմամբ `կանխելու կորոնավիրուսի տարածումը (COVID-19), աշխատանքի տեսչական ծառայությունը, համաձայնեցնելով ՆԳՆ-ի հետ, կարող է ժամանակավորապես սահմանափակել չարտոնված մուտքը:
Ինչպես հայտնի է, ըստ գործող օրենսդրության, երկրում ավելի քան 10 անձանց հավաքը սահմանափակված է կապված սոցիալական իրադարձությունների հետ ինչպիսիք են ՝ հարսանիքներ, տարեդարձեր, քելեխներ և այլն:
Վարչապետ Իրակլի Ղարիբաշվիլին արդեն ստորագրել է մեկուսացման և կարանտինի կանոնները հաստատելու մասին Վրաստանի կառավարության հրամանագրի փոփոխությունները:

08․04․2021
«Ռադիո Մառնեուլի»
Թարգմ․ ՝ Մարգարիտա Միսկարյան