Հիվանդությունների վերահսկման ազգային կենտրոնի տնօրեն Ամիրան
Գամկրելիձեն ասել է, որ Համակարգող խորհուրդը կքննարկի, թե ինչ
առավելություններ կարող են ունենալ կորոնավիրուսի դեմ պատվաստված
մարդիկ:
Ինչպես նշել է Գամկրելիձեն, այս արտոնությունները ուժի մեջ կմտնի այն
բանից հետո, երբ պատվաստումը հասանելի կլինի բոլորին:
«Մենք ունենք մեր առաջարկությունները, որ պատվաստված մարդիկ տարբեր
խթաններ ունեն հասարակության մեջ և կյանքում: Մի քանի նման
խրախուսական քայլեր ներկայացվել են Համակարգող խորհուրդ և կքննարկվեն:
Մենք կողմ ենք նրան, որ ովքեր կունենան այսպես կոչված Covid անձնագիր,
կունենան «արտոնություն», առավելություն ինչ-որ ուղղությամբ:
Արդեն շատ տեղերում [աշխարհում] կա այսպես կոչված կովիդ ազատ
ռեստորաններ, հյուրանոցներ, կլինիկաներ, որտեղ ամբողջ անձնակազմը
պատվաստվում է կորոնավիրուսի պատվաստանյութով: Սա լուրջ արտոնություն
է, քանի որ երբ մարդը դիմում է բժշկի և գիտի, որ այս կլինիկայում
բոլորը պատվաստված են, իհարկե, հետագա վարակի ռիսկը ավելի քիչ է», -
ասել է Ամիրան Գամկրելիձեն «Ֆորմուլա» հեռուստաընկերության
եթերում:
Առողջապահության փոխնախարար Թամար Գաբունիան ապրիլի 26-ին, ասել է, որ
պետությունն աշխատում է «Կովիդ անձնագիր» ստեղծելու ուղղությամբ, որը
պարունակում է պատվաստումների վերաբերյալ տեղեկություններ:
27․04․2021
«Ռադիո Մառնեուլի»
Թարգմ․ ՝ Մարգարիտա Միսկարյան