Ընդդիմության և իշխող կուսակցության մառնեուլցի քաղաքական
գործիչները
մտադիր են ստանալ կորոնավիրուսի պատվաստանյութ, բայց չգիտեն թե
երբ:
«Ռադիո Մառնեուլի»-ի հետ զրույցում Եվրոպական Վրաստանի քաղաքական
խորհրդի անդամ, Մառնեուլի տարածաշրջանային կազմակերպության ղեկավար
Ահմեդ Իմամկուլիևը ասել է, , որ ինքը անպայման պատվաստվելու է և
բնակչությանը կոչ է արել պատվաստվել:
«Դեռ չեմ պլանավորել , բայց պատվաստանյութ անպայմն կստանամ, որովհետև
կարծում եմ, որ համաճարակը հաղթահարելու միակ ճանապարհը բնակչության
պատվաստումն է և հասարակական անձանց կողմից բնակչությանն ավելի
տեղեկացված դարձնելը»,- ասել է Ահմեդ Իմամկուլիեւը։
Եվրոպական Վրաստանի Մառնեուլի տարածաշրջանային կազմակերպության
ղեկավարի խոսքով ՝ այս փուլում ընտանեկան խնդիրների պատճառով ինքը չի
կարողացել գրանցվել Sinopharm պատվաստանյութի համար, բայց ասում է, որ
պատվաստանյութը հաստատ կստանա:
Իմամկուլիևի նման, Միացյալ ազգային շարժման Մառնեուլիի
տարածաշրջանային մասնաճյուղի ղեկավար Ագիլ Մուստաֆաևը ևս դեռ գրանցված
չէ պատվաստանյութի համար: Ըստ Մուստաֆաեւի, ինքը հաստատ պատրաստվում է
պատվաստվել, և այս փուլում սպասում է իր ուզած պատվաստանյութին:
«Պատվաստանյութը, իհարկե, անհրաժեշտ է բոլոր քաղաքացիների համար, իսկ
նորմալ պատվաստանյութի դեպքում բոլորը պետք է պատվաստվեն, քանի որ սա
է միակ ճանապարհը, որով մենք այսօր տեսնում ենք համաճարակը
դադարեցնելու համար: Ես դեռ չեմ պատվաստվել և դեռևս ծրագրեր չունեմ,
որովհետև պետք է ստուգեմ, թե որ պատվաստանյութն ինչպիսին է, չեմ կարող
փակ աչքերով դա անել: Ես դեռ չեմ կողմնորոշվել, թե որ պատվաստանյութն
եմ ստանալու, բայց գիտեմ, որ անպայման պատվաստվելու եմ »: - ասել է
Ագիլ Մուստաֆաեւը։
Կորոնավիրուսի պատվաստանյութ պատրաստվում է ստանալ նաեւ Մառնեուլիի
սակրեբուլոյի նախագահ, «Վրացական երազանքի» անդամ Ամիրան Գիորգաձեն:
Գիորգաձեն չի պատասխանել «Ռադիո Մառնեուլի»-ի զանգին, որի պատճառով
միայն նամակագրությամբ է «Ռադիո Մառնեուլի»-ին կարողացել հարցազրույց
վերցնել նրանից: Քաղաքային խորհրդի նախագահի խոսքով ՝ պատվաստանյութը,
անշուշտ, հանրայնորեն կստանա:
«Դա տեղի կունենա արձակուրդներից հետո, երբ ես գրանցվեմ, այն ժամանակ
ես կկապվեմ ձեզ հետ, ես կհստակեցնեմ, թե երբ և որտեղ եմ դա անելու»-
այս մասին գրել է Ամիրան Գիորգաձեն «Ռադիո Մառնեուլի»-ին։
Մառնեուլիի քաղաքապետի պաշտոնակատար Զաուր Տաբատաձեն նույնպես չի
պատասխանել «Ռադիո Մառնեուլի»-ի զանգին: Ռադիոյի հաղորդագրությանը, թե
պատրաստվու՞մ է պատվաստանյութ ստանալ, և նախատեսո՞ւմ է պատվաստանյութը
հանրային դարձնել, նա պատասխանել է ՝ «Քաղաքապետարանն ակտիվ
ներգրավված կլինի»։ Զաուր Տաբատաձեն չի պատասխանել լրացուցիչ
հարցերին:
Պատվաստումների գործընթացի վերաբերյալ Մառնեուլի քաղաքապետարանում
տեղի է ունեցել աշխատանքային հանդիպում Վրաստանի Կարմիր խաչի
ներկայացուցիչների, Մառնեուլի հանրային առողջության կենտրոնի
ղեկավարի, Մառնեուլի քաղաքապետի պաշտոնակատարի և նրա տեղակալի
միջև:
«Հանդիպմանը քննարկվել է Կարմիր խաչի ներգրավվածությունը
պատվաստումների արշավին: Նախատեսված էին նաև համատեղ միջոցառումներ
Մառնեուլիի քաղաքապետարանում պատվաստումների հաջող իրականացման համար
», - Այս մասին նշված է քաղաքապետարանի կողմից հրապարակված
տեղեկատվության մեջ
Նշենք, որ Մառնեուլիում բոլոր տեղերը ամրագրված են չինական
արտադրության «Սինոֆարմ» պատվաստանյութերի համար: Ապրիլի 30-ին
Վրաստանը ստացավ 100,000 դոզան և 100,800 ներարկիչ: 18+ քաղաքացիները
կարող են գրանցվել booking.moh.gov.ge կայքում: Սինոֆարմով
պատվաստումը նախատեսվում է Մառնեուլիում մայիսի 5-ից մայիսի 21-ը:
05․05․2021
«Ռադիո Մառնեուլի»
Թարգմ․ ՝ Մարգարիտա Միսկարյան