Դեկտեմբերի 7-ի դրությամբ, 57 երկրում հայտնաբերվել
է կորոնավիրուսի նոր շտամ՝ «Օմիկրոն»։ Տեղեկությունը տարածում է
Առողջապահության համաշխարհային կազմակերպությունը։
Այդուհանդերձ, կազմակերպության զեկույցում նշվում է, որ երկրների մեծ
մասում գերիշխող շտամը շարունակում է մնալ «Դելտան»։
«Հաշվի առնելով, որ Դելտա-ի տարբերակը հիմնականում շրջանառվում է շատ
երկրներում, մասնավորապես եվրոպական տարածաշրջանում և Միացյալ
Նահանգներում, դեռ վաղ է որևէ եզրակա
ցություն անել «օմիկրոնի»-ի ազդեցության մասին COVID-19-ի գլոբալ
համաճարակաբանության վրա», - ասվում է ԱՀԿ-ի հայտարարության մեջ։
Զեկույցում ասվում է, որ Հարավային Աֆրիկայում, որտեղ առաջին անգամ
հաղորդվել է օմիկրոնի-ի մասին, COVID-19-ի դեպքերը աճել են նոյեմբերի
երկրորդ շաբաթվանից։ Նոյեմբերի 29-ից դեկտեմբերի 5-ը գրանցվել է
62,021 նոր դեպք: Նախորդ շաբաթվա համեմատ աճը կազմել է 111 տոկոս։
Շաբաթական դեպքերի շատ բարձր աճ է գրանցվել Հարավային Աֆրիկայի որոշ
հարևան երկրներում՝ Էսվատինում (1990%), Զիմբաբվեում (1361%),
Մոզամբիկում (1207%), Նամիբիայում (681%) և Լեսոտոյում (219%): Այս
երկրներում պատվաստումների մակարդակը շատ ցածր է։
Չորս օր առաջ «օմիկրոն»-ի դեպքեր էին առձանագրվել 38 երկրներում։
Առողջապահության համաշխարհային կազմակերպությունը Հարավային
Աֆրիկայում հայտնաբերված կորոնավիրուսի նոր տարբերակն անվանել է
«Օմիկրոն»: «Օմիկրոն»-ը հունական այբուբենի (Ο) 15-րդ տառն է:
Բրիտանացի գիտնականները COVID-ի նոր վտանգավոր շտամ են հայտնաբերել։
Այն ավելի վտանգավոր է, քան նախորդ շտամները և դիմացկուն է
պատվաստանյութերին, թեև դեռ տարածված չէ: Փորձագետները կարծում են, որ
Բոտսվանայում COVID-ի նոր տարբերակ է հայտնվել: Մինչ օրս այս շտամի 10
դեպք է գրանցվել երեք երկրներում՝ Բոտսվանայում, Հարավային Աֆրիկայում
և Հոնկոնգում: Այն պարունակում է 32 մուտացիա։
Կորոնավիրուսի B1.1.529 նոր շտամը հայտնաբերվել է աֆրիկյան վեց
երկրներում՝ Հարավային Աֆրիկայում, Բոտսվանայում, Էսվատինում,
Լեսոտոյում, Նամիբիայում և Զիմբաբվեում։ Մյուս երկրներն արդեն սկսել
են սահմանափակել օդային հաղորդակցությունը դեպի աֆրիկյան երկրներ, իսկ
գիտնականներն ահազանգում են։
«Ռադիո Մառնեուլի»
Թարգմ․ ՝ Մարգարիտա Միսկարյան