Մառնեուլիի մունիցիպալիտետի տեղական ինքնակառավարումը
մինչև 2022 թվականը նախատեսում է ծախսել 42 250 լարի՝
քաղաքապետարանում գտնվող առանց հսկողության շների ապաստարան
տեղափոխելու ծառայության համար։
Քաղաքապետարանի կողմից հայտարարված մրցույթի համաձայն՝ ծառայության
իրականացման գործընթացում դիտարկվելիք անհրաժեշտ պահանջներն են ՝
• Մառնեուլիի քաղաքապետարանի տարածքում առանց հսկողության մնացած
շների բռնում(միայն գնորդի ցուցումով) միջազգային ստանդարտների
պահանջներին համապատասխան (մարդասիրական մեթոդներով)
• Կենդանիների տեղափոխումը հատուկ մեքենաներով ապաստարան
• Ապաստան տեղափոխված կենդանիների համապատասխան զննումներից, նրանց
ստերիլիզացումից, կաստրացիայից, պատվաստումից և այլ անասնաբուժական
ծառայություններից, ականջակալով մակնշումից և գրանցված կենդանիների
վերադարձը բնական տարածք:
• Անասնաբուժական ծառայությունները պետք է մատուցեն միայն
մասնագետները
• Կենդանիների ապաստարանում գտնվող կենդանիները պետք է նույնականացվեն
և պատվաստվեն կատաղության դեմ
• Կենդանիներին բռնելը պետք է իրականացվի գնորդի կողմից նշված
վայրերից, ինչպես նաև կենդանիների գրանցման խիստ հսկողություն:
Մրցույթը Մառնեուլիի քաղաքապետարանը հայտարարել է դեկտեմբերի 8-ին։
Թեկնածուները դրան կկարողանան մասնակցել դեկտեմբերի 14-ից 16-ը։
Տարիներ շարունակ ՏԻՄ-ը նմանատիպ ծառայությունների համար մրցույթներ
էր հայտարարում, սակայն ծախսված գումարը երբեք չի գերազանցել 21 հազար
լարին։ Միայն 2021 թվականին թույլատրվել է դեպք, երբ գումարն
ավելացվել է և հատկացվել 42 360 լարի։ Նշված գումարը 2022 թվականի
համար կրճատվել է 110 լարիով։
Մառնեուլիի մունիցիպալիտետում թափառող շների խնդիրը դեռ առկա է և
վտանգ է ներկայացնում մարդկանց համար։ Անցած 11 ամիսների ընթացքում,
ըստ վիճակագրության, Մառնեուլիում գրանցվել է շների կծելու 809 դեպք։
Ինչպես հայտնել են Մառնեուլիի Հանրային առողջության կենտրոնից «Ռադիո
Մառնեուլի»-ին, 126 մարդու կծել են թափառող շները, իսկ կծելու 638
դեպքը կապված է եղել ընտանի շների հետ։
«Ռադիո Մառնեուլի»
Թարգմ․ ՝ Մարգարիտա Միսկարյան