Մառնեուլիի մունիցիպալիտետի երկու կլինիկաներում բուժվում

է 51 հիվանդ, մահացել է յոթը։ «Ջեո Հոսպիտալի» կլինիկական տնօրեն Թաթա Շենգելայան տեղեկացրեց, որ այսօրվա դրությամբ բուժհաստատությունում կա 23 հիվանդ՝ հավելելով, որ դեպքերի ընդհանուր թիվը նվազել է, թեև վարակվածների մեծ մասը վերակենդանացման բաժանմունքում բուժվելու կարիք ունի։

«Վերջին շաբաթվա տվյալներով մեր կլինիկայում մահվան երկու դեպք կա, վարակն ընդհանուր առմամբ նվազել է։ Դեկտեմբերի

24-ի դրությամբ կլինիկայում բուժվում է 23 մարդ, որից 13-ը՝ վերակենդանացման բաժանմունքում, մնացածը՝ թերապևտիկ բաժանմունքում։ Այն հիվանդները, ովքեր գալիս են հիմնականում վերակենդանացման բաժանմունքում բուժման կարիք ունեն», - ասել է Շենգելայան։

«Ավերսի» կլինիկայում բուժում է ստանում 28 հիվանդ։ Դեկտեմբերի 18-ից ի վեր վիրուսից հինգ հիվանդ է մահացել։ Կլինիկայից տեղեկացրել են, որ վերակենդանացման բաժանմունքում բուժում է ստանում միջին ծանրության 15 հիվանդ։

Դեկտեմբերի 24-ին Վրաստանում գրանցվել է կորոնավիրուսով վարակման 1976 նոր դեպք, մահացել է 78 հիվանդ։

«Ռադիո Մառնեուլի»
Թարգմ․ ՝ Մարգարիտա Միսկարյան