Ազգային և տեղական մակարդակով հասարակական կյանքում էթնիկ և
կրոնական փոքրամասնությունների ավելի մեծ ներգրավվածությունը խթանելու
և փոխշահավետ սոցիալական
, քաղաքացիական և տնտեսական կապերն ամրապնդելու նպատակով, Միավորված
ազգերի կազմակերպության Վրաստանի ասոցիացիան (ՄԱԿ-Վրաստան) սկսում է
դրամաշնորհային ծրագիր քաղաքացիական անձանց համար և տնտեսական
ինտեգրումը (UNA-Georgia) USAID «Միասնություն բազմազանության
մեջ» ծրագրի շրջանակներում։
«
Մենք հրավիրում ենք հասարակական կազմակերպություններին,
ձեռնարկատերերին, ստարտափներին, սոցիալական ձեռնարկություններին,
ԶԼՄ-ներին, կրթական հաստատություններին և Վրաստանի միասնությանն ու
բազմազանությանը աջակցելու այլ հնարավոր դերակատարների,
- Նշված է քաղաքացիական և տնտեսական ինտեգրման դրամաշնորհային
ծրագրի հայտում։
Դրամաշնորհային ծրագիրն առաջարկում է դրամաշնորհային ֆինանսավորում և
համաֆինանսավորում (բիզնես նախաձեռնությունների դեպքում) շահագրգիռ
կազմակերպություններին և բիզնես դերակատարներին $120,000 և
առավելագույնը 18 ամիս: Նշված պայմանների վերանայման դեպքերը
մանրամասն նկարագրված են դրամաշնորհային ծրագրի նկարագրության
մեջ։
Դրամաշնորհային ծրագիրը գործում է բաց դռների սկզբունքով: Ծրագրի
շրջանակներում բոլոր ծրագրերի աջակցությունը կտրամադրվի և կիրականացվի
մինչև 2026 թվականի դեկտեմբերի 15-ը։
Ահա թե ինչ ֆինանսական աջակցություն է տրամադրում դրամաշնորհային
ծրագիրը։
Քաղաքացիական ինտեգրման ուղղությամբ՝ հավասար մասնակցություն
հանրային քաղաքականությանը և քաղաքացիական գործընթացներին մուտք դեպի
հանրային ծառայություններ և ներառական քաղաքականություն, կրթության և
վրացերենի ուսուցման որակի/մատչելիության բարձրացում, իրավունքների
պաշտպանություն, պայքար խտրականության դեմ, բազմազանության, Վրաստանի
եվրաատլանտյան ձգտումների և արժեքների խթանում, միջմշակութային
երկխոսություն և այլ միջոցառումներ, որոնք կնպաստեն էթնիկ և կրոնական
փոքրամասնությունների ակտիվ ներգրավմանը երկրի քաղաքական,
մշակութային, սոցիալական և տնտեսական գործընթացներում:
Տնտեսական ինտեգրման ուղղությամբ աջակցություն միկրո, փոքր և միջին
ձեռնարկատերերի, ստարտափների, սոցիալական ձեռնարկությունների և այլ
մասնավոր դերակատարների ֆինանսական ռեսուրսների, պետական
ծրագրերի և ծառայությունների հասանելիության բարելավում, մարզերում
բիզնես ասոցիացիաների գործունեության ուժեղացում, Մասնագիտական
կրթության մեջ փոքրամասնությունների մասնակցության բարձրացում՝
տեղական աշխատաշուկայի պահանջներին համապատասխան և այլ միջոցառումներ,
որոնք կնպաստեն էթնիկ և կրոնական փոքրամասնություններով բնակեցված
շրջաններում տնտեսական գործունեության, կապերի և աշխատանքի
հնարավորությունների զարգացմանը:
Ծրագրի շրջանակներում առաջին տեղեկատվական հանդիպումը տեղի կունենա
մայիսի 31-ին՝ ժամը 12:00-ին։ Հանդիպումն անցկացվելու է Zoom հարթակի
միջոցով։ Հանդիպմանը մասնակցելու հղում ենք ներկայացնում։
https://us06web.zoom.us/j/85499491396; Հանդիպման ID՝ 854 9949
1396։
Ծրագրին առնչվող հարցերի դեպքում կարող եք կապվել Վրաստանի Միավորված
ազգերի կազմակերպության ասոցիացիայի հետ՝
This e-mail address is being protected from spambots. You need JavaScript enabled to view it
էլեկտրոնային հասցեով: Վերնագրի դաշտում նշել
«Վրաստանի ինտեգրման աջակցության դրամաշնորհային ծրագիր»:
Լրացուցիչ տեղեկությունների համար կարդացեք դրամաշնորհային ծրագրի
մանրամասն նկարագրությունը Վրաստանի Միավորված ազգերի կազմակերպության
ասոցիացիայի կայքում՝ https://una.ge/archive?id=866 (PDF
նկարագրությունը հասանելի է անգլերեն և վրացերեն)
"Ռադիո Մառնեուլի"
Թարգմ․ ՝ Մարգարիտա Միսկարյան