Մառնեուլիի քաղաքապետարանը 42 հազար լարիի մրցույթ է հայտարարել
«One Caucasus» միջոցառումների կազմակերպման ծառայությունների գնման
համար։
Երաժշտական փառատոնը կանցկացվի Օգոստոս ամսին Մառնեուլիում, Ծերակվի
գյուղում։ Համերգային բեմի կազմակերպման, բեմական էֆեկտների և
լուսային ծառայությունների, ձայնային սարքավորումների, հնչյունային
ռեժիսորի և օգնականի հրավերի, լուսավորության տնօրենի հրավերի,
համերգային բեմի և դիզելային գեներատորի կազմակերպման ծախսերը պետք է
վճարի տեղական ինքնակառավարումը:
Մրցույթին մասնակցել ցանկացողները կարող են մասնակցել օգոստոսի
12-15-ն ընկած ժամանակահատվածում։ Հաղթողը պարտավոր է նշված
սարքավորումները, սարքերը և համապատասխան ծառայությունները (գնորդի
կողմից նշված վայրում) տրամադրել 2023 թվականի օգոստոսի 24-ից մինչև
2023 թվականի օգոստոսի 27-ը 4 օր շարունակական ժամկետով։
«One Caucasus» փառատոնը Մառնեուլիում անցկացվում է 2014 թվականից և
այն միակ միջազգային փառատոնն է քաղաքապետարանում։ Փառատոնին
մասնակցությունն անվճար է, ինչպես նաև տրանսպորտը Թբիլիսիից և
Մառնեուլիից։ Փառատոնի ընթացքում կարող եք օգտվել հատուկ նախատեսված
անվճար վրանային տարածքից։
Պատրաստվեք անմոռանալի One Caucasus Festival-ին, որտեղ
հանդիպում են տարբեր մշակույթներ: Եկեք միասին նշենք արվեստի,
մշակույթի և միասնության եռանդուն տոն, որի շրջանակներում միավորում
ենք արվեստագետների, երաժիշտների, ճարտարապետների, ուսուցիչների և
կամավորների ամբողջ աշխարհից։
Ինչ սպասել ՝
Համատեղ միջազգային երաժշտական նախագծեր, որոնցում ներգրավված են
երաժիշտներ Կովկասից և նրա սահմաններից դուրս:
Զարմանալի վիզուալ արվեստի ծրագիր՝ ստեղծված ժամանակակից
արվեստագետների կողմից Ծերակվի գյուղում:
Բացահայտեք բազմաֆունկցիոնալ One Caucasus քաղաքը, մի տարածք, որը
ստեղծվել է ճարտարապետների, կամավորների և տեղացիների կողմից՝ լի
բազմաբնույթ միջդիսցիպլինար գործողություններով:
"Ռադիո Մառնեուլի"
Թարգմ․ ՝ Մարգարիտա Միսկարյան