Հոկտեմբերի վերջից Մառնեուլիում գործելու է սեզոնային գրիպի անվճար պատվաստումը
Վրաստանում սեզոնային գրիպի դեմ պատվաստումը կսկսվի հոկտեմբերի
երկրորդ կեսից։
Հայտարարությունը տարածել է Վրաստանի Առողջապահության
նախարարությունը, որտեղ նշվում է, որ Վրաստանն արդեն գնել է Abbott
Biologicals B.V. չորս բաղադրիչ պատվաստանյութի 200 հազար չափաբաժին,
որը ԱՀԿ-ի առաջարկած պատվաստանյութերից է։
«Ռադիո Մառնեուլի» հետ զրույցում Մառնեուլիի հիվանդությունների
վերահսկման և հանրային առողջության կենտրոնի ղեկավար Էթեր Լափերաձեն
ասաց, որ կենտրոնում պատվաստումներն անվճար են լինելու։
«Պատվաստանյութերը դեռ չենք ստացել։ Հոկտեմբերի վերջից բոլորը
կկարողանան պատվաստանյութ ստանալ։ Մառնեուլիում այն ամենը, ինչ
վերաբերում է հանրային առողջությանը, անվճար է։ Կան ռիսկային խմբեր,
որոնք ի սկզբանե լինելու են առաջնահերթություն», - ասել է
Էթեր Լափերաձեն։
Վրաստանի ներքին տեղահանվածների, աշխատանքի, առողջապահության և
սոցիալական պաշտպանության նախարարության տարածած տեղեկատվության
համաձայն՝ 2023-2024 թվականների գրիպի սեզոնի համար երկրում գրիպի դեմ
պատվաստման բարձր ռիսկային խմբերը սահմանվել են ՝
Շաքարախտ ունեցող մարդիկ
Դիալիզով անձինք
Հեպատիտ C-ով տառապող մարդիկ (միայն նրանք, ովքեր բուժում են
ստանում)
ՄԻԱՎ վարակով/ՁԻԱՀ-ով տառապող անձինք
Օրգանների փոխպատվաստումներով և կիստիկական ֆիբրոզով անձինք
Նաև 60 տարեկան և բարձր տարեցներ.
Հղի կանայք
Հանրակրթական ուսումնական հաստատությունների (դպրոցների)
ուսուցիչներ.
Մանկական (ներառյալ փոքր ընտանիքների) և ծերերի ապաստարանների
շահառուները և նրանց հոգատար անձնակազմը.
Պարտադիր պատվաստման ենթակա բժշկական անձնակազմ և այլ։
"Ռադիո Մառնեուլի"
Թարգմ․ ՝ Մարգարիտա Միսկարյան